नवी दिल्ली । कर्मचारी भविष्य निर्वाह निधी संघटना (EPFO) लवकरच PF खातेधारकांच्या खात्यात व्याजाचे पैसे ट्रान्सफर करणार आहे. मीडिया रिपोर्टनुसार, या महिन्याच्या अखेरीस पगारदारांच्या खात्यावर 8.5 टक्के व्याज ट्रान्सफर केले जाईल. 2020-21 या आर्थिक वर्षात 8.5 टक्के व्याज मिळेल. तुम्ही या 4 मार्गांनी घरबसल्या तुमच्या PF खात्याचा बॅलन्स तपासू शकता, कसे ते जाणून घ्या …
1. अशा प्रकारे SMS द्वारे बॅलन्स तपासा
जर तुमचे UAN EPFO मध्ये रजिस्टर्ड असेल, तर तुम्ही तुमच्या ताज्या योगदानाची आणि PF बॅलन्सची माहिती एका SMS द्वारे मिळवू शकता. यासाठी तुम्हाला EPFOHO UAN ENG 7738299899 वर पाठवावे लागेल. शेवटची तीन अक्षरे भाषेसाठी आहेत. जर तुम्हाला हिंदीत माहिती हवी असेल तर तुम्ही EPFOHO UAN HIN लिहून पाठवू शकता. ही सेवा इंग्रजी, पंजाबी, मराठी, हिंदी, कन्नड, तेलगू, तामिळ, मल्याळम आणि बंगाली भाषेत उपलब्ध आहे. हा SMS UAN च्या रजिस्टर्ड मोबाईल क्रमांकावरून पाठवावा.
2. मिस्ड कॉलद्वारे बॅलन्स तपासा
तुमच्या रजिस्टर्ड मोबाईल क्रमांकावरून 011-22901406 ला मिस्ड कॉल द्या. यानंतर तुम्हाला EPFO कडून एक मेसेज येईल ज्यामध्ये तुम्हाला तुमच्या PF खात्याचे डिटेल्स मिळतील. यासाठी बँक अकाउंट, पॅन आणि आधार UAN शी जोडलेले असणे आवश्यक आहे.
3. EPFO द्वारे बॅलन्स तपासा
>> यासाठी तुम्हाला EPFO कडे जावे लागेल.
>> येथे Employee Centric Services वर क्लिक करा.
>> आता View Passbook वर क्लिक करा.
>> पासबुक पाहण्यासाठी तुम्हाला UAN सह लॉग इन करावे लागेल.
4. उमंग अ‍ॅप द्वारे बॅलन्स तपासा
>> तुमचे उमंग अ‍ॅप (Unified Mobile Application for New-age Governance) उघडा आणि EPFO वर क्लिक करा.
>> तुम्हाला दुसऱ्या पेजवर कर्मचारी-केंद्रित सेवांवर क्लिक करावे लागेल.
>> येथे पहा पासबुक वर क्लिक करा.
>> तुमचा UAN नंबर आणि पासवर्ड (OTP) क्रमांक टाका.
>> तुमच्या रजिस्टर्ड मोबाईल क्रमांकावर OTP येईल.
>> यानंतर तुम्ही तुमचा PF बॅलन्स तपासू शकता.