नवी दिल्ली । जसजशी मार्च क्लाेजिंग जवळ येते आहे तसतशी लोकं इनकम टॅक्स रिटर्न फाइल करण्यात व्यस्त असतात. ज्यानंतर रिफंडची प्राेसेस सुरू होते. परंतु गेल्या काही काळापासून हा रिफंड क्लेम करण्यासाठी एक मेसेज येत आहे. जर तुम्हालाही असा मेसेज मिळाला असेल तर तुम्ही सावधगिरी बाळगण्याची गरज आहे. या मेसेज मध्ये दिलेली लिंक ओपन करू नका किंवा तुमची माहितीही शेअर करू नका. नाहीतर रिटर्न मिळवण्याच्या नादात तुमची सेव्हिंग्जही हरवू शकते. दिल्लीस्थित थिंक टँक सायबरपीस फाऊंडेशनसमवेत सायबर सिक्युरिटी फर्म ऑटाेबॉट इन्फाेसिस ने आपल्या रिपोर्ट मध्ये हे उघड केले आहे. तर ही नवीन फसवणूक कशी आहे, ते कसे ओळखावे आणि आपण ते टाळू शकाल याविषयी जाणून घ्या-
अशा प्रकारचा मेसेज आहे
इनकम टॅक्स रिफंडचा अर्ज सादर करण्यासाठी फाेन वर एसएमएसद्वारे पाठविल्या जाणाऱ्या मेसेज मध्ये एक लिंक पाठविली जात आहे. जर तुम्ही नीट लक्ष दिले तर कदाचित तुम्हाला वाटेल की आयकर विभागाचे ई-फाइलिंग पेजच आहे. इथे आपल्याला प्राेसीड टू द व्हेरिफिकेशन स्टेप्स बटणावर क्लिक करण्याचा पर्याय देखील आहे. त्यावर क्लिक करताच, यानंतर तुमची माहिती दिसेल ज्यामध्ये पूर्ण नाव, आधार आणि पॅनकार्ड क्रमांक, मोबाइल नंबर, जेंडर, ईमेल ऍड्रेस, जन्मतारीख इ. यानंतर बँक खाते क्रमांक, कार्ड क्रमांक, आयएफएससी कोड, सीव्हीव्ही, पिन यासारखी बँकिंगची माहिती भरण्यास सांगितले जाते.
यानंतर, युझर्सना पेजकडे रि-डायरेक्ट केले जाते. जेथे त्यांना पूर्वी भरलेल्या माहितीची पुष्टी करण्यास सांगितले जाते. ते सबमिट केल्यानंतर, युझर्सना खोट्या बँकिंग लॉगिन पेजवर पोहोचतो, तो देखील दिसण्यात सेम टू सेम असतो.
येथे आपल्याला ऑनलाइन बँकिंगसाठी यूझरनेम आणि पासवर्ड इ. भरण्यास सांगितले जाते. त्यानंतर युझरला एक हिंट प्रश्न, त्याचे उत्तर आणि प्राेफाइल पासवर्डसह सीआयएफ क्रमांक एंटर करण्यास सांगितले जाते. आपले आयटीआर व्हेरिफिकेशन पूर्ण होताच एखादे Android मोबाइल अ‍ॅप डाउनलोड करण्यास सांगितले जाईल.
या अ‍ॅपला सर्व डिव्हाइसची परवानगी दिल्यासाठी रिक्वेस्ट केली जाते, ग्रीन कलरच्या डाउनलाेड लिंकवर क्लिक केल्यानंतर सर्टिफिकेट .apk नावाचा अ‍ॅप खाली डाउनलाेड व्हायला सुरूवात होते. हे अ‍ॅप डाऊनलोड होताच आपल्या खात्यातून पैसे काढले जातात.
या बँकांची नावे वापरली जातात
या अहवालानुसार एचडीएफसी बँक, पंजाब नॅशनल बँक, स्टेट बँक ऑफ इंडिया, आयसीआयसीआय, अ‍ॅक्सिस बँक अशी नावे या घोटाळ्यासाठी वापरली जात आहेत. युझरला पाठविण्यात येणारे लिंक्स अमेरिका आणि फ्रान्स येथून तयार केले जात आहेत, ज्यात युझरच्या वैयक्तिक तसेच बँकिंगशी संबंधित संपूर्ण माहिती गोळा केली जात आहे. जर एखादा युझर या प्रकारच्या सापळ्यात अडकला तर त्याचे बरेच नुकसान होऊ शकते. मेसेज मध्ये शेअर केलेली लिंक मध्ये कोणताही डाेमेन नेम नाही आणि भारत सरकारशी ते संबंधित लिंकही नाही. तज्ञ म्हणतात की, या मोहिमेशी संबंधित सर्व आयपी ऍड्रेस हे काही र्ड पार्टी डेडिकेटेड क्लाउड हाेस्टिंग प्राेव्हायडर्सशी संबंधित आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.