नवी दिल्ली । देशाच्या परकीय चलनाच्या साठ्यात वाढ झाली आहे. 4 मार्च 2022 रोजी संपलेल्या आठवड्यात ते $39.4 कोटीने वाढून $631.92 अब्ज झाले. रिझर्व्ह बँक ऑफ इंडियाने (RBI) शुक्रवारी जारी केलेल्या आकडेवारीत ही माहिती देण्यात आली आहे.
25 फेब्रुवारी 2022 रोजी संपलेल्या आठवड्यात देशाचा परकीय चलन साठा $1.425 अब्ज डॉलरने घसरून $631.527 अब्ज झाला आहे. यापूर्वी, 18 फेब्रुवारी रोजी संपलेल्या आठवड्यात परकीय चलनाचा साठा $2.762 अब्जने वाढून $632.95 अब्ज झाला होता. RBI च्या आकडेवारीनुसार, 11 फेब्रुवारी 2022 रोजी संपलेल्या आठवड्यात परकीय चलन साठा $1.763 अब्ज डॉलरने घसरून $630.19 अब्ज झाला आहे.
FCA $63.4 कोटी वाढवले
RBI च्या साप्ताहिक आकडेवारीनुसार, रिपोर्टींग वीकमध्ये परकीय चलनाच्या साठ्यात वाढ होण्याचे कारण म्हणजे परकीय चलन मालमत्ता (FCA) आणि सोन्याच्या साठ्यात झालेली वाढ, जे एकूण साठ्याचा महत्त्वपूर्ण भाग मानला जातो. रिझव्‍‌र्ह बँकेने सांगितले की, रिपोर्टींग वीकमध्ये भारताचा FCA $ 63.4 कोटीने वाढून $ 565.466 अब्ज झाला आहे. डॉलरमध्ये नामांकित, FCA मध्ये परकीय चलनाच्या साठ्यामध्ये असलेल्या युरो, पौंड आणि येन सारख्या इतर विदेशी चलनांच्या मूल्यामध्ये वाढ किंवा घट होण्याचा परिणाम देखील समाविष्ट असतो.
सोन्याचा साठा $14.7 कोटीने कमी झाला
याशिवाय, रिपोर्टींग वीकमध्ये सोन्याचा साठा $14.7 कोटीने कमी होऊन $42.32 अब्ज झाला आहे. आंतरराष्ट्रीय नाणेनिधी (IMF) मधील देशाचा SDR (Special Drawing Rights) 5.9 कोटीने घसरून $18.981 अब्ज झाला आहे. IMF मध्ये ठेवलेला देशाचा परकीय चलन साठा $10 लाखने वाढून $5.240 अब्ज झाला आहे.