मुंबई । देशाच्या परकीय चलनाच्या साठ्यात घट झाली आहे. 22 ऑक्टोबर 2021 रोजी संपलेल्या आठवड्यात ते $90.8 कोटीने घसरून $640.1 अब्ज झाले. रिझर्व्ह बँक ऑफ इंडियाने (RBI) शुक्रवारी जारी केलेल्या आकडेवारीत ही माहिती देण्यात आली आहे.
यापूर्वी, 15 ऑक्टोबर रोजी संपलेल्या आठवड्यात ते $ 1.492 अब्जांनी वाढून $ 641.008 अब्ज झाले होते. त्याच वेळी, 8 ऑक्टोबर 2021 रोजी संपलेल्या आठवड्यात ते $2.039 अब्जांनी वाढून $639.516 अब्ज झाले. यापूर्वी, 1 ऑक्टोबर रोजी संपलेल्या आठवड्यात, ते $ 1.169 अब्ज डॉलरने कमी होऊन $ 637.477 अब्ज झाले होते.
FCA $85.30 कोटीने कमी झाला
RBI ने शुक्रवारी जारी केलेल्या साप्ताहिक आकडेवारीनुसार, 22 ऑक्टोबर रोजी संपलेल्या आठवड्यात परकीय चलन साठ्यात झालेली ही घट मुख्यत्वे विदेशी चलन मालमत्ता (Foreign Currency Assets) मध्ये घट झाल्यामुळे झाली आहे, जी एकूण गंगाजळीचा महत्त्वपूर्ण भाग आहे. रिझव्‍‌र्ह बँकेने सांगितले की, रिपोर्टींग वीकमध्ये भारताचा FCA $ 85.30 कोटीने घसरून $ 577.098 अब्ज झाला आहे. डॉलरमध्ये व्यक्त केलेल्या FCAs मध्ये परकीय चलनाच्या साठ्यामध्ये असलेल्या युरो, पौंड आणि येन सारख्या इतर विदेशी चलनांच्या मूल्यात वाढ किंवा घट होण्याचा प्रभाव देखील समाविष्ट असतो.
सोन्याचा साठा $12.8 कोटीने कमी झाला
याशिवाय, रिपोर्टींग आठवड्यात सोन्याचा साठा $13.8 कोटीने कमी होऊन $38.441 अब्ज झाला आहे. आंतरराष्ट्रीय नाणेनिधी (IMF) मध्ये देशाचा SDR (Special Drawing Rights) $7.40 कोटीने वाढून $19.321 अब्ज झाला आहे. IMF मध्ये देशाचा परकीय चलन साठा $10 लाखने वाढून $5.240 अब्ज झाला आहे.