‘आधी तुम्ही आमचे रक्त प्यायलात, आता आम्ही तुम्हाला रक्ताचे दान देतोय, आतातरी धनगर आरक्षण द्या!’- गोपीचंद पडळकर

पंढरपूर । मराठा आणि धनगर आरक्षणाचा प्रश्न सध्या ऐरणीवर आला असताना धनगर समाजाचे फायर ब्रँड नेता म्हणून ओळख असलेल्या आमदार गोपीचंद पडळकर यांनी आता धनगर आरक्षणासाठी राज्यभर रक्तदानाची मोहीम हाती घेतली आहे. ‘आजवर तुम्ही आमचे रक्त पित आलात आता आम्हीच आमच्या रक्ताचे दान देतोय, आतातरी धनगर समाजाला आरक्षण द्या’, असा टोला त्यांनी राज्य सरकारला लगावला आहे.

गोपीचंद पडळकर यांच्या आवाहनानंतर राज्यभरात रक्तदानाची मोहीम धनगर तरुणांनी हाती घेतली असून आत्तापर्यंत 5 हजार रक्ताच्या पिशव्या झाल्याचे पडळकर यांनी सांगितले. मंगळवेढा तालुक्यातील नंदेश्वर येथे एका कार्यक्रमात आले असताना त्यांनी समाजातील तरुणांना आवाहन केले. सध्या कोरोनाच्या काळात या रक्ताची गरज गोरगरीब रुग्णांना असून त्यांच्यासाठी या रक्ताचा उपयोग होईल असे त्यांनी सांगितले.

धनगर आरक्षणाच्या मागणीवरून आता धनगर समाज आक्रमक झालेला आहे. भाजपाचे आमदार गोपीचंद पडळकर यांनी राज्य सरकार विरोधात आंदोलनाची हाक दिली आहे. या अगोदर कुंभकर्णाप्रमाणे झोपी गेलेल्या या सरकारला जागे करण्यासाठी राज्यभर “ढोल बजाव, सरकार जगाव” हे आंदोलन करण्यात आले होते. धनगर आरक्षणाच्या मागणीसाठी मुख्यमंत्र्यांनाही आपण पत्र पाठवून तातडीने आरक्षणाच्या बाबतीत निर्णय घेण्याची मागणी केली होती. मात्र सरकारकडून धनगर समाजाला आरक्षण देण्याबाबत दुजाभाव होत आहे, त्यामुळे आता समाजाच्या मागण्यांसाठी पुन्हा एकदा रस्त्यावर उतरण्याची वेळ आली असल्याचे पडळकर यांनी म्हटले आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

Get real time updates directly on you device, subscribe now.

You might also like
x Close

Like Us On Facebook

WP2Social Auto Publish Powered By : XYZScripts.com