हॅलो महाराष्ट्र ऑनलाईन । आज २० मे २०२४, सोमवार म्हणजे आठवड्याच्या पहिल्याच दिवशी सोन्याच्या किमतीत (Gold Price Today) वाढ झाली आहे. मल्टी कमोडिटी एक्सचेंज म्हणजेच (MCX) वर २४ कॅरेट १० ग्राम सोने 73608 रुपयांवर व्यवहार करत आहेत. आधीच्या किमतीच्या तुलनेत सोन्याच्या दरात 15 रुपयांची किरकोळ वाढ झाली असून या किमती अजून वाढण्याची शक्यता आहे. तर दुसरीकडे चांदीच्या किमतीत सुद्धा ९० रुपयांची वाढ झाली असून एक किलो चांदीचा भाव 90900 रुपये इतका आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.
तर दुसरीकडे गुड रिटर्न नुसार सुद्धा सोने महागल्याने पाहायला मिळालं. गुड रिटर्न नुसार २४ कॅरेट १० ग्राम सोन्याची किंमत ७५३१० रुपये आहे तर २२ कॅरेट सोन्याचा भाव ६९०५० रुपये आहे. तर चांदीच्या दराबाबत सांगायचं झाल्यास, चांदीच्या किमतीत ३ % ने वाढ झाली असुन १ किलो चांदीचा भाव ९६००० रुपये इतका आहे. मागील काही दिवसांपासून सोने- चांदीच्या किमतीत सुरु असलेल्या विक्रमी वाढीमुळे ग्राहकांच्या खिशाला मात्र मोठी झळ बसत आहे.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 68,900 रुपये
मुंबई – 68,900 रुपये
नागपूर – 68,900 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 75,160 रूपये
मुंबई – 75,160 रूपये
नागपूर – 75,160 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.
