नवी दिल्ली । रस्ते वाहतूक आणि महामार्ग मंत्रालय (MoRTH) देशात रस्ते सुरक्षा सुधारण्यावर अधिक जोर देत आहे. यामुळे मंत्रालयाने रस्त्यावर येणाऱ्या वाहनांसाठी अनेक मानक सुरक्षा तरतुदींसह अनेक उपक्रम घेतले आहेत. अशाच एका पुढाकाराने आपले रस्ते अधिक सुरक्षित बनविण्यासाठी आणि अपघातांचे प्रमाण कमी करण्यासाठी मंत्रालयाने टायर उत्पादकांसाठी नवीन अनिवार्य नियम प्रस्तावित केले आहेत. जे येत्या काळात अंमलात आणले जात आहेत. त्यानंतर सर्व टायरवर रेटिंग देण्यात येईल. जे सुरक्षेनुसार असेल.
MoRTH ने अधिसूचनेत असे म्हटले आहे
या प्रस्तावित नियमांचा उद्देश वाहनांचा इंधन वापर कमी करणे आणि ब्रेकिंग सुधारणे हा आहे. MoRTH ने प्रस्तावित केलेल्या अधिसूचनेमुळे ब्रँडची पर्वा न करता देशात विकल्या गेलेल्या टायर्सची गुणवत्ता सुधारेल. टाईम्स नाऊच्या वृत्तानुसार मंत्रालयाने अधिसूचना जारी केली आहे. ज्यामध्ये rolling resistance, rolling sound emission आणि wet braking चे मानदंड प्रस्तावित आहेत.
टायर्सचे रेटिंग केले जाईल
नवीन प्रस्तावित नियमांच्या अंमलबजावणीनंतर टायर्सना रेटिंग देणे बंधनकारक असेल आणि ग्राहकांना चांगले निर्णय घेण्यास मदत होईल. हे आंतरराष्ट्रीय रेटिंग सिस्टमच्या अनुरूप असतील जे यूरोप आणि मिडल इस्टच्या बाजारपेठेचे अनुसरण करतील. या अहवालात असे म्हटले गेले आहे की, प्रस्तावित अधिसूचनेनुसार टायरचे नवे नियम यावर्षी ऑक्टोबरपासून लागू होतील. तथापि, सर्व वर्तमान टायर मॉडेल्सना ऑक्टोबर 2022 पर्यंत कठोर कामगिरीचे निकष पूर्ण करावे लागतील.
या सर्व वाहनांच्या टायर्सचे नियम असतील
देशातील टायर उत्पादकांना नवीन नियम पाळावे लागतील आणि टायर्सच्या सर्व स्वरुपाचे त्यांचे पालन करावे लागेल. दुचाकी, कार, बस आणि जड वाहन. यावेळी टायर उत्पादक केवळ बीआयएस बेंचमार्कनुसार आपले टायर विकतात.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा