नवी दिल्ली । आपण एचडीएफसी बँकेचे ग्राहक असाल तर ही बातमी आपल्यासाठी उपयुक्त आहे. एचडीएफसी बँकेने आज, 15 जूनला आपल्या Mobile Banking App मध्ये काही अडचणी येत असल्याचे आपल्या ग्राहकांना सांगितले. बँकेने आपल्या अधिकृत ट्विटर हँडलद्वारे ग्राहकांना याबद्दल माहिती दिली आहे.
एचडीएफसी बँकेने ट्विट केले की, ‘ग्राहकांना विनंती आहे की त्यांनी आपले व्यवहार पूर्ण करण्यासाठी कृपया नेटबँकिंगचा वापर करावा. गैरसोयीबद्दल क्षमस्व. धन्यवाद.” एचडीएफसी बँकेच्या कम्युनिकेशन टीमने म्हटले आहे की, “Mobile Banking App वर आम्हाला काही अडचणी येत आहेत. आम्ही त्याला प्राधान्याने पहात आहोत आणि लवकरच त्याबाबत अपडेट करू.”
We are experiencing some issues on the MobileBanking App. We are looking into this on priority and will update shortly. Customers are requested to please use NetBanking to complete their transaction. Regret the inconvenience caused. Thank you.
— HDFC Bank News (@HDFCBankNews) June 15, 2021
“तथापि, आता ही समस्या सुटली आहे. ग्राहक आता व्यवहारासाठी नेटबँकिंग आणि मोबाइल बँकिंग अ‍ॅप्स वापरू शकतात. गैरसोयीबद्दल आम्ही दिलगीर आहोत आणि आपल्या संयमाबद्दल धन्यवाद.” गेल्या दोन वर्षात बँकेच्या डिजिटल चॅनेलमध्ये अनेक त्रुटी आढळून आल्या आणि त्यानंतर डिसेंबरमध्ये RBI ने कोणत्याही नवीन डिजिटल लाँचसह बँकेला पुढे जाण्यापासून रोखले.
डिसेंबरमध्ये, RBI ने एचडीएफसी बँकेला डिजिटल बँकिंग उपक्रम थांबविण्याचे आदेश दिले आणि नवीन क्रेडिट कार्ड देण्यास बंदी घालण्याचा आदेश दिला.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा