HDFC Bank मध्ये शिफ्ट होणार मुंबई पोलिसांच्या 50 हजार कर्मचार्‍यांचे सॅलरी अकाउंट, कारण काय आहे ते जाणून घ्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

मुंबई । मुंबई पोलिसात (Mumbai Police) काम करणाऱ्या कर्मचाऱ्यांचा पगार आता एक्सिस बँक खात्यात येणार नाही. या सर्व कर्मचार्‍यांचे पगार खाते खासगी क्षेत्रातील दुसर्‍या क्रमांकाची बँक असलेल्या एचडीएफसी बँक (HDFC Bank) मध्ये जमा केले जात आहे. मुंबई पोलिस अधिकाऱ्यांनी याबाबत माहिती दिली आहे. यासंदर्भात शासकीय परिपत्रकही जारी करण्यात आले आहे. मुंबई पोलिस हे देशातील सर्वात मोठे पोलिस दल आहे. सुमारे 50 हजार कर्मचारी यात काम करतात.

अशा परिस्थितीत आता या सर्व कर्मचार्‍यांचे पगार खाते HDFC Bank त जमा केले जाईल. वास्तविक, मुंबई पोलिस आणि एक्सिस बँक यांच्यातील सर्व कर्मचार्‍यांच्या सॅलरी अकाउंटसाठी सामंजस्य करार (MoU) ची मुदत 31 जुलै 2020 रोजी संपली आहे.

मुंबई पोलिसांनी HDFC Bank का निवडली?
तेव्हापासून, मुंबई पोलिस दुसऱ्या बँकेचा शोध घेत होते, जी आपल्या कर्मचार्‍यांना एक्सिस बँकेपेक्षा अधिक सुविधा देऊ शकेल. या असे परिपत्रकात सांगण्यात आले की, अनेक बँकांनी यासाठी प्रस्ताव पाठविले होते, त्यापैकी मुंबई पोलिसांनी एचडीएफसी बँक निवडली. यासाठी एचडीएफसी बँक आणि मुंबई पोलिस यांच्यात नवीन सामंजस्य करार झाला.

मुंबई पोलिस कर्मचार्‍यांना मिळतील ‘हे’ फायदे
परिपत्रकात दिलेल्या माहितीनुसार, मुंबई पोलिस कर्मचाऱ्याचा मृत्यू नैसर्गिक मृत्यूमुळे किंवा कोविड -१९ मुळे झाल्यास दहा लाख रुपयांपर्यंतचे जीवन विमा संरक्षण देण्यात येईल. याशिवाय मुंबई पोलिसात काम करणाऱ्या कर्मचार्‍यांना 90 लाख रुपयांचा अपघाती डेथ कव्हर मिळेल. अर्ध अपंगत्व कायम राहिल्यास 50 लाख रुपयांचे संरक्षण दिले जाईल.

https://t.co/yZTSgk8O7D?amp=1

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

Leave a Comment