शेअर बाजारात जोरदार विक्री, इंट्राडेमध्ये सेन्सेक्स 1000 हून अधिक अंकांनी घसरला

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

मुंबई । भारतीय शेअर बाजारात आज जोरदार विक्री होत आहे. सोमवारी, आठवड्याच्या पहिल्या ट्रेडिंगचा दिवशी, सेन्सेक्स 1000 हून जास्त अंकांनी घसरताना दिसत आहे. दुपारच्या ट्रेडिंगमध्ये निफ्टी 280 पेक्षा जास्त अंकांच्या घसरणीसह 17,450 च्या खाली ट्रेड करत आहे. तर दुसरीकडे, सुमारे 1000 अंकांच्या घसरणीसह सेन्सेक्स 58,700 च्या खाली दिसत आहे.

बाजारात बेअरचे वर्चस्व असल्याचे दिसते. निफ्टी 17,500 च्या खाली घसरला आहे. निफ्टीच्या 50 पैकी 45 शेअर्समध्ये विक्री दिसून येते. 1 वाढीच्या तुलनेत 6 शेअर्समध्ये घसरण आहे. दरम्यान, पेटीएमचा शेअर इश्यू प्राईसपेक्षा 40 % खाली ट्रेड करत आहे.

सर्वत्र विक्री
निफ्टी रियल्टी इंडेक्स सुमारे 4% घसरला आहे तर PSU बँक इंडेक्स 3.5% पेक्षा जास्त घसरला आहे. दुसरीकडे, ऑटो इंडेक्स 3% पेक्षा जास्त घसरत आहे. निफ्टीमध्ये सेन्सेक्स 1.5% पेक्षा जास्त घसरत आहे. दुसरीकडे, मिडकॅप इंडेक्स 2.5% पेक्षा जास्त तुटला आहे. बँक निफ्टी 2% पेक्षा जास्त घसरली आहे.

नव्याने लिस्ट झालेल्या कंपन्यांमध्ये जोरदार विक्री होत आहे. Paytm 10% घसरले आहे. दोन सत्रांमध्ये इश्यू प्राईस सुमारे 35% कमी झाली आहे. SAPPHIRE, FINO PAYMENT BANK आणि SIGACHI चे शेअर्सही 5 ते 10 टक्क्यांनी घसरले आहेत.

Paytm च्या शेअर्सची घसरण सुरूच
Paytm ची मूळ कंपनी One97 कम्युनिकेशन्सच्या शेअर्सची लिस्टिंग झाल्यानंतरचा दुसरा दिवसही अवघड झाला आहे. सोमवारी कंपनीचे शेअर्स 10% पर्यंत घसरले. सकाळी 10.15 वाजता पेटीएमचे शेअर्स 9.68% घसरून 1409.65 रुपयांवर ट्रेड करत आहेत.

गुरुवारी Paytm च्या शेअर्सची लिस्टिंग कमकुवत होती. One97 चे शेअर्स इश्यू प्राईस पेक्षा 27% खाली बंद झाले. Paytm चा इश्यू 1.9 पट सबस्क्राइब झाला. कंपनीने 18300 कोटी रुपयांचा इश्यू जारी केला होता, जो आजपर्यंतचा देशातील सर्वात मोठा IPO होता. मात्र, अलीकडील IPO च्या तुलनेत त्याची लिस्टिंग सर्वात कमकुवत झाली.

बाजारातील ही घसरणही काही महत्त्वाच्या कारणांमुळे झाल्याचे बाजारातील तज्ञांचे म्हणणे आहे. त्यापैकी पहिले म्हणजे FII ने नोव्हेंबरमध्ये 10,000 कोटी रुपयांची विक्री केली आहे. अमेरिकेतील वाढत्या महागाईमुळे डॉलर इंडेक्स 96 च्या पुढे गेला आहे, तर जागतिक बाजारातील घसरणीमुळे दबाव वाढला आहे. त्याचवेळी, कोरोनाने पुन्हा डोके वर काढले आहे, युरोपमध्ये लॉकडाऊनचा धोका वाढला आहे. Paytm च्या कमकुवत लिस्टिंग मुळे वातावरण बिघडले आहे.

Leave a Comment