LIC पॉलिसी कशी सरेंडर करावी ??? त्यासाठी काय करावे लागेल हे समजून घ्या Hello Maharashtra

हे देखील वाचा -

LIC च्या ‘या’ पॉलिसीमध्ये दररोज 238 रुपयांची गुंतवणूक करून मॅच्युरिटीवर मिळवा 54 लाख रुपये !!!

July 18, 2022

LIC च्या ‘या’ पॉलिसीद्वारे फक्त 150 रुपयांमध्ये मिळवा 19 लाख रुपये; कसे ते जाणून घ्या

July 8, 2022

हॅलो महाराष्ट्र ऑनलाईन । अशी अनेक लोकं आहेत जे LIC ची पॉलिसी तर घेतात मात्र काही कारणास्तव त्यांना ती पुढे चालू ठेवता येत नाही. पॉलिसी अशी मध्यातच बंद करण्याला पॉलिसी सरेंडर करणे असे म्हणतात. आता यामध्ये असा प्रश्न उभा राहतो की पॉलिसी किती दिवसांनी कशी सरेंडर करता येते. हे जाणून घ्या कि, किमान 3 वर्षानंतरच पॉलिसी सरेंडर करता येईल जर त्याआधीच पॉलिसी सरेंडर केली तर आपल्याला पैसे मिळणार नाहीत.

एकदा पॉलिसी सरेंडर केली तर एलआयसीच्या नियमांनुसारच सरेंडरची व्हॅल्यू मिळेल. म्हणजेच जर आपण पॉलिसी बंद करण्याचा किंवा LIC मधून पैसे काढण्याचा निर्णय घेतला तर त्याच्या किंमतीएवढीच रक्कम परत मिळते ज्याला सरेंडर व्हॅल्यू असे म्हणतात. जर आपण पूर्ण 3 वर्षांसाठी प्रीमियम भरला असेल तरच सरेंडर व्हॅल्यू मिळू शकेल.

किती पैसे परत मिळतील ???

इथे हे लक्षात घ्या कि, पॉलिसी सरेंडर केल्यामुळे जास्त नुकसान होते. जर आपण सलग 3 वर्षे प्रीमियम भरला तरच आपल्याला सरेंडर व्हॅल्यू मिळेल. त्यानंतर आपल्याला भरलेल्या प्रीमियमच्या फक्त 30 टक्केच रक्कम मिळेल मात्र पहिल्या वर्षाचा प्रीमियम वगळून. म्हणजे तुम्ही पहिल्या वर्षी भरलेला प्रीमियम देखील शून्य होतो. अशा प्रकारे, उर्वरित दोन वर्षांसाठीची फक्त 30 टक्के रक्कमच मिळेल. यात रायडर्ससाठी भरलेले कोणतेही अतिरिक्त प्रीमियम, टॅक्स आणि LIC कडून मिळालेला कोणताही बोनस समाविष्ट नाही.

हे जाणून घ्या कि, पॉलिसी सरेंडर करण्यासाठी LIC सरेंडर फॉर्म आणि NEFT फॉर्म देखील लागेल. तसेच या फॉर्म्ससोबत आपल्याला पॅन कार्डची आणि मूळ पॉलिसी कागदपत्रांची कॉपी जोडावी लागेल. यासोबतच आपण पॉलिसी का बंद करत आहात हे देखील स्पष्ट करावे लागेल.