नवी दिल्ली । बँकांच्या (Bank) विलीनीकरणामुळे बरेच बदल झाले आहेत. विलीनीकरण झालेल्या बँकांचा आयएफएससी कोड (IFSC Code) आता बदलला आहे. हे लक्षात घेता कर्मचारी भविष्य निर्वाह निधी संघटनेने (EPFO) सर्व PF खातेदारांना त्यांचे खाते अपडेट करण्याच्या सूचना दिल्या आहेत.
खासगी व सरकारी उपक्रमांत काम करणाऱ्या कर्मचार्‍यांचे भवितव्य लक्षात घेऊन EPFO भविष्य निर्वाह निधी वजा करते. कर्मचारी आपत्कालीन गरजा, बेरोजगारी किंवा रिटायरमेंट नंतर पैसे काढून घेऊ शकतो. EPFO ने ही सर्व कामे ऑनलाईन केली आहेत. परंतु बँकांचा आयएफएससी कोड बदलल्यामुळे EPFO मध्ये ऑनलाईन क्लेम जमा केले जात नव्हते. म्हणूनच, EPFO ने आता कर्मचार्‍यांना त्यांची खाती अपडेट करण्यास सांगत आहे.
या बँकांच्या खातेदारांना खाते अपडेट करावे लागेल
EPFO ने जाहीर केलेल्या माहितीनुसार, आंध्र बँक, सिंडिकेट बँक, ओरिएंटल बँक ऑफ कॉमर्स, अलाहाबाद बँक, युनायटेड बँक ऑफ इंडिया, कॉर्पोरेशन बँक यांचे IFSC कोड अवैध ठरले आहे. जर या बँकांची खाती PF खात्याशी जोडली गेली असतील तर सदस्य ते ऑनलाईन अपडेट करू शकत नाही. ऑनलाइन क्लेम करण्यासाठी त्याला PF खात्यात बँकेचे डिटेल्स अपडेट करावे लागतील..
बँक खाते अपडेट करण्यासाठी या प्रक्रियेचे अनुसरण करा
सर्व प्रथम EPFO च्या युनिफाइड मेंबर पोर्टल https://unifiedportal-mem.epfindia.gov.in/memberinterface/ वर जा. आपले UAN आणि पासवर्ड एंटर करुन येथे लॉग इन करा. आता ‘मॅनेज’ टॅबवर क्लिक करा. एक ड्रॉप डाऊन मेन्यू आपल्या समोर येईल. या मेन्यू मध्ये KYC निवडा. येथे आपल्याला आपला बँक खाते क्रमांक दिसेल. त्यावर क्लिक करा, नवीन IFSC भरा आणि सेव्ह करा. ही माहिती एंप्लॉयर द्वारे मंजूर झाल्यानंतर, आपले अपडेटड बँक डिटेल्स अप्रूव्ड KYC सेक्शन मध्ये दिसतील.
एंप्लॉयर द्वारे मान्य न झाल्यास ‘ही’ प्रक्रिया करा
जर आपला एंप्लॉयर बँक डिटेल्स अपडेशन रिक्वेस्टला एक्सेप्ट करत नसेल तर पहिले आपण याविषयी कंपनीच्या HR डिपार्टमेंट किंवा एडमिनिस्ट्रेशनशी याबाबत बोलले पाहिजे. त्यानंतरही डिटेल्स अप्रूव्ड होण्यास अधिक वेळ लागत असल्यास उच्च अधिकाऱ्यांशी संपर्क साधा. असे असूनही जर कंपनीकडून कोणतीही कारवाई होत नसेल तर EPF Grievance वर तक्रार करा.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा