कराड प्रतिनिधी । सकलेन मुलाणी
अथणी रयत साखर कारखान्याच्या सैदापूर ऑफिस समोरून अज्ञाताने हिरो होंडा कंपनीची दुचाकीची चोरी केली. हि चोरीची घटना शुक्रवारी मध्यरात्री घडली असून ती सीसीटीव्हीत कैद झाली.
घटनास्थळावरून व पोलिसांकडून मिळालेल्या माहितीनुसार, सयाजी शामराव माने (रा. सुर्ली) हे शुक्रवारी रात्रपाळीला अथणी रयत साखर कारखान्याच्या सैदापूर ऑफिसमध्ये कामावर होते. त्यांनी आपली हिरो होंडा दुचाकी क्रमांक (एम एच 11 बीबी 53 90) हि ऑफिस समोर लावली होती.
https://www.facebook.com/watch/?v=5264104270361405&extid=CL-UNK-UNK-UNK-AN_GK0T-GK1C&ref=sharing
शुक्रवारी मध्यरात्री 1 वाजून 9 मिनिटांच्या सुमारास अज्ञात चोरट्याने या हिरो होंडा स्प्लेंडर दूचाकीची चोरी केली. दरम्यान हा चोरटा चोरी करत असताना सीसीटीव्ही कॅमेऱ्यात कैद झाला आहे. या घटनेची नोंद कराड शहर पोलीस ठाण्यात झाली असून पोलिसांकडून चोरट्याचा व दुचाकीचा शोध घेतला जात आहे.