नवी दिल्ली । चालू आर्थिक वर्षात आतापर्यंत प्राप्तिकर विभागाने 40 लाखाहून अधिक करदात्यांना 1.36 लाख कोटी रुपयांचा परतावा जारी केला आहे. यात 35,750 कोटी रुपयांच्या वैयक्तिक आयकर (PIT) आणि 1 लाख कोटी रुपयांपेक्षा जास्त कॉर्पोरेट टॅक्स रिफंड (Corporate Tax Refund) समाविष्ट आहे. प्राप्तिकर विभागाने (Income Tax Department) आपल्या अधिकृत ट्विटर हँडलवरून याबाबतची माहिती दिली आहे.
प्राप्तिकर विभागाने आपल्या ट्वीटमध्ये लिहिले आहे की, ‘केंद्रीय प्रत्यक्ष कर मंडळाने (CBDT) 1 एप्रिल 2020 ते 17 नोव्हेंबर 2020 पर्यंत 40.19 लाख करदात्यांना 1,36,066 कोटींचा टॅक्स रिफंड जारी केला आहे. 38,23,304 प्रकरणांमध्ये 35,750 कोटी रुपयांचा प्राप्तिकर परतावा देण्यात आला आहे. तर 1,95,518 प्रकरणांमध्ये 1,00,316 कोटी रुपयांचा कॉर्पोरेट टॅक्स रिफंड परतावा देण्यात आला आहे.
आयकर भरलेल्या करदात्यांनाच (Taxpayers) आयकर विवरणपत्र दिले जाते. प्राप्तिकर विभाग आपला कर तपासतो, त्यानंतर जर त्यावर कोणताही रिफंड मिळात असेल तर तो आपल्याला रिफंड केला जातो. आपण जणू घेउयात कि, आयटीआर दाखल केल्यानंतर आपण याचा मागोवा कसा घेऊ शकतो आणि आपल्याला रिफंड मिळाला आहे की नाही हे आपणास कसे कळेल.
> यासाठी तुम्हाला आयकर ई-फाईलिंग वेबसाइटवर जावे लागेल. येथे आपण आपल्या पोर्टलवर लॉगिन कराल. पोर्टल लॉगिनसाठी तुम्हाला तुमचा पॅन नंबर, ई-फाईलिंग पासवर्ड व कॅप्चा भरावा लागेल.
> तुमचे पोर्टल प्रोफाइल उघडताच तुम्हाला ‘View returns/forms’ वर क्लिक करावे लागेल.
> पुढील स्टेपमध्ये आपण ड्रॉप डाऊन मेन्यूमधून Income Tax Returns’ वर क्लिक करा आणि सबमिट कराल. हायपरलिंक अकनॉलेजमेंट नंबरवर क्लिक केल्यानंतर एक नवीन स्क्रीन उघडेल.
> या स्क्रीनवर आपल्याला फायलिंगची टाइमलाइन, प्रोसेसिंग टॅक्स रिटर्न करण्याविषयीची माहिती मिळेल. यात दाखल करण्याच्या तारखेची माहिती, रिटर्न वेरिफाय करण्याची तारीख, प्रोसेसिंग पूर्ण होण्याची तारीख, रिफंड देण्याची तारीख आणि पेमेंट रिफंड याविषयीची माहिती असेल.
> जर आपला टॅक्स रिफंड फेल झाला तर आपण या स्क्रीनवर आपल्याद्वारे दाखल केलेला रिफंड फेल होण्याचे कारण सांगितले जाईल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.
