Indian Railways: लोकसभा निवडणुकीपूर्वी रेल्वेने रेल्वे प्रवाशांना खुशखबर दिली आहे. प्रवाशांना दिलासा देत भारतीय रेल्वेने ट्रेनचे भाडे कोविडपूर्व पातळीवर आणण्याचा निर्णय घेतला आहे. रेल्वे प्रवाशांना दिलासा देत भारतीय रेल्वेने प्रवासी रेल्वे भाडे 50 टक्क्यांपर्यंत कमी करण्याचा निर्णय घेतला.पॅसेंजर ट्रेनमधून दररोज प्रवास करणाऱ्या प्रवाशांना याचा सर्वाधिक फायदा होणार आहे.
कोविडमुळे रेल्वेच्या तिकिटात होती वाढ
कोविडच्या काळात भारतीय रेल्वेने रेल्वे भाडे वाढवले होते. ट्रेनमधील गर्दी कमी करण्यासाठी (Indian Railways) प्रवाशांकडून एक्स्प्रेसचे भाडे आकारले जात होते.पॅसेंजर गाड्यांमधून प्रवास करणाऱ्या प्रवाशांना एक्स्प्रेसचे भाडे मोजावे लागत होते. मात्र आता रेल्वेच्या या निर्णयाचा सर्वाधिक फायदा दररोज रेल्वेने प्रवास करणाऱ्या लोकांना होणार आहे.
कोविड महामारीच्या काळात गर्दी कमी करण्यासाठी प्रवासी गाड्या रद्द करण्यात आल्या होत्या. लॉकडाऊन संपल्यानंतर, रेल्वेने पॅसेंजर गाड्यांचे वर्गीकरण केले आणि त्यांना एक्स्प्रेस गाड्यांच्या भाड्याशी (Indian Railways) जोडले, याचा अर्थ लोकांना पॅसेंजर गाड्यांसाठी एक्स्प्रेस गाड्यांचे भाडे द्यावे लागले.त्यामुळे दररोज प्रवास करणाऱ्या प्रवाशांचे सर्वाधिक नुकसान होत होते. मात्र पुन्हा एकदा रेल्वेचे भाडे कोविड पूर्व पातळीवर आणण्याचा निर्णय रेल्वे विभागाकडून घेण्यात आला आहे.
ॲपमधील भाड्यांबाबत देखील नवीन नियम (Indian Railways)
प्रवाशांना दिलासा देत २७ फेब्रुवारीपासून रेल्वेने प्रवासी गाड्यांना पुन्हा द्वितीय श्रेणीचे (Indian Railways) भाडे लागू केले आहे. रेल्वेने सर्व मेनू ट्रेन आणि ट्रेन क्रमांक असलेल्या ट्रेन्सचे भाडे जवळपास 50% ने कमी केले आहे.रेल्वेने अनारक्षित तिकीट प्रणाली ॲपमधील भाड्यांबाबत नवीन निर्बंध देखील सुधारित केले आहेत.