हॅलो महाराष्ट्र ऑनलाइन | अमरावती जिल्ह्यातील परतवाडा- बैतूल मार्गावर दुचाकी आणि इनोव्हा मध्ये भीषण अपघात झाल्याची घटना काल मध्यरात्री घडली. या अपघातात इनोव्हाचा चक्काचुर होऊन दुर्दैवाने 6 जणांचा मृत्यू झाला आहे. तर 1 जण जखमी आहे. या अपघातामुळे मार्गावरील वाहतूकही काही वेळ विस्कळीत झाली होती.
याबाबत अधिक माहिती अशी की, शिरजगाव पोलीस ठाणे येथील रात्रगस्त अंमलदार हे गस्त असताना त्यांना रोड वरील पुलाजवळ मोटरसायकलची शीट पडलेली दिसली. त्यामुळे त्यांनी त्या ठिकाणी थांबून पाहणी केली असता अपघात झाल्याचे दिसून आले. हा अपघात इतका भीषण होता की इनोव्हा गाडीचा जाग्यावरच चक्काचुर झाला होता. त्यामुळे मृत झालेले आणि जखमी गाडीतच अडकलेले होते. त्यांना वाहनातून बाहेर काढून उपजिल्हा रुग्णालय अचलपूर येथे दाखल करण्यात आले.
अपघातातील मृत झालेल्यांची नावे-
सुरेश विठ्ठल निर्मळे, (वय 25 रा. खरपी.)
अक्षय सुभाष देशकर, (वय 26 रा बोदड ता चांदूर बाजार)
पांडुरंग रघुनाथ शनवारे, (30 रा. बोदड ता चांदूर बाजार)
सतीश सुखदेव शनवारे, (वय 30 रा. बहिरम कारंजा)
रमेश धुर्व, (वय 30 रा. सालेपूर)
प्रतीक दिनेशराव मांडवकर, (चालक)
जखमीचे नाव-
संजय गायन (वय 22 रा. बोदड, तालुका- चांदुर बाजार)