हॅलो महाराष्ट्र ऑनलाईन । जिओकडे (Jio)अनेक फायदेशीर रिचार्ज प्लॅन (Recharge Plan) आहेत. कंपनी नेहमीच कमीत कमी पैशात ग्राहकांना जास्तीत जास्त फायदे करून देण्याचा विचार करत असते. आज आम्ही तुम्हाला जिओच्या अशा रिचार्ज प्लॅन बाबत सांगणार आहोत ज्यामध्ये एका रिचार्ज मध्येतब्बल 4 लोक कंपनीच्या सुविधांचा फायदा घेऊ शकतात. होय, हे खरं आहे. घरातील चार लोक जिओच्या फॅमिली रिचार्ज प्लॅनचा (Jio Family Recharge Plan) लाभ घेऊ शकतात. या प्लॅनमध्ये OTT प्लॅटफॉर्म, अनलिमिटेड कॉल यांचाही समावेश आहे. चला आपण या जीओ प्लॅन बाबत सविस्तरपणे जाणून घेऊया…
जिओचा फॅमिली रिचार्ज प्लान हा (Jio Family Recharge Plan) एक पोस्टपेड प्लान आहे. यासाठी यूजर्सना बिलिंग सायकलमध्ये 999 रुपये खर्च करावे लागतील. यामधील सुविधाबाबत सांगायचं झाल्यास, यामध्ये 200GB डेटाची सुविधा मिळते. परंतु , एकदा डेटा मर्यादा ओलांडली की, 10 रुपये प्रति जीबी शुल्क आकारले जाते. याशिवाय, वापरकर्त्याला 500GB पर्यंत डेटा रोलओव्हरचा लाभ देखील मिळू शकतो. या अंतर्गत, यूजर्स पुढील महिन्यात त्याचा उर्वरित डेटा वापरू शकतो. यामध्ये तुम्हाला 5G सेवेचा लाभ देखील मिळू शकतो, परंतु त्यासाठी तुमचा मोबाईल आणि तुमचं शहर यासाठी पात्र असावे लागत.
जिओच्या या फॅमिली (Jio Family Recharge Plan) प्लॅन मध्ये दररोज 100 एसएमएस आणि अमर्यादित व्हॉइस कॉलिंग शिवाय इतर फायदे देखील मिळतात. यात नेटफ्लिक्स मोबाईल प्लॅन आणि अॅमेझॉन प्राइमचे सब्सक्रिप्शनचा सुद्धा समावेश आहे. यामध्ये युजरला 1 वर्षासाठी Amazon Prime Video चे सबस्क्रिप्शन मिळते. यासोबतच जिओ अॅप्सचा मोफत वापरही करता येतो .