सांगली प्रतिनिधी । प्रथमेश गोंधळे
सांगलीसह जिल्ह्यात घरफोडी, जबरी चोरी करणाऱ्या सराईत आरोपीच्या मुसक्या आवळण्यात स्थानिक गुन्हे अन्वेषण विभागाच्या पथकाला यश आले. श्रीकृष्ण उर्फ गोट्या शंकर कलेढोणे असे अटक करण्यात आलेल्या आरोपीचे नाव आहे. त्याच्याकडून एकूण १३ गुन्हे उघडकीस आणण्यात यश आले आहे. कलेढोणे याच्याकडून घरफोडीतील ५१ हजार रुपयांचा मुद्देमाल जप्त करण्यात आला आहे.
कलेढोणे हा एकूण ९ गुन्ह्यात आरोपी असून तो गुन्हा घडल्यापासून पसार झाला होता. त्याच्या तपासणी केली असता त्याच्याजवळ एक व्हिओ कंपनीचा मोबाईल, चांदीचे दागिने, एक सॅक आणि एक कॅनन कंपनीचा कॅमेरा असा एकूण ५१ हजार रुपयांचा मुद्देमाल आढळला. त्याबाबत विचारपूस करता त्याने सांगितले कि, विश्रामबाग परिसरातल्या एका घरातून सदरचा मुद्देमाल चोराला असल्याची कबुली त्याने दिली.
तसेच जयसिंगपूर येथून दुचाकी आणि पलूस येथील एक ज्वेलरी दुकान फोडून चोरी केल्याचे सांगितले. त्यानंतर त्याला ताब्यात घेत विश्रामबाग पोलिसांच्या स्वाधीन करण्यात आले. छोट्या कलेढोणे याला अटक करण्यात आली असून त्याच्याकडून एकूण १३ गुन्हे उघडकीस आणण्यात यश आले आहे. सदरची कारवाई पोलीस निरीक्षक सर्जेराव गायकवाड यांच्या मार्गदर्शनाखाली सहाय्यक पोलीस निरीक्षक प्रशांत निशानदार, दिलीप ढेरे, जितेंद्र जाधव, संदीप गुरव, संतोष गळवे वैभव पाटील यांच्या पथकाने केली.
