Maruti Car : सध्या या वर्षातील शेवटचा महिना सुरु असून लवकरच सर्व जण नवीन वर्षाच्या स्वागताची आतुरतेने वाट पाहत आहेत. नववर्षात अनेकांना स्वतःच्या परिवारासाठी काहीतरी खरेदी करण्याची इच्छा असते. अशा वेळी जर तुम्हीही नववर्षात कार खरेदी करण्याच्या विचारात असाल तर तुमच्यासाठी एक आनंदाची बातमी आहे. कारण आता तुम्ही मारुती सुझुकीची सर्वाधिक विक्री होणाऱ्या कारपैकी एक असणारी स्टायलिश एसयूव्ही जिमनी Stylish SUV Jimny स्वस्तात घरी आणू शकता.
मिळालेल्या माहितीनुसार कंपनी या एसयूव्ही कारवर बंपर ऑफर देत आहे. कंपनीने नुकतेच आपले नवीन थंडर एडिशन सादर केले आहे. ज्याची किंमत जुन्या कारपेक्षा 2 लाख रुपये कमी ठेवण्यात आली आहे. सध्या कार विक्री वाढवण्यासाठी कंपनीने ही ऑफर 31 डिसेंबरपर्यंत लागू केली आहे.
7.0-इंच टचस्क्रीन इन्फोटेनमेंट सिस्टम
जर या कारबद्दल जाणून घ्यायचे झाले तर जिमनी थंडर एडिशन पूर्णपणे ब्लॅक थीममध्ये ठेवण्यात आले आहे. कारच्या दोन्ही बाजूला माउंटन ग्राफिक्स दिसतात. हे एस एसयूव्हीच्या आधीपासून अस्तित्वात असलेल्या झेटा आणि अल्फा या दोन्ही प्रकारांमध्ये उपलब्ध असेल. याआधी दिवाळीलाही कंपनीने आपल्या स्मार्ट एसयूव्हीवर 1 लाख रुपयांपर्यंत सूट दिली होती. या कारमध्ये 4 व्हील ड्राइव्ह आहे. यात 7.0-इंचाची टचस्क्रीन इन्फोटेनमेंट सिस्टम आहे.
या 5 डोअर कारची किंमत जाणून घ्या
डिस्काउंटनंतर जिमनी झेटा एमटी आता 10.74 लाख रुपयांच्या एक्स-शोरूममध्ये उपलब्ध होईल. तर, अल्फा 12.74 लाख रुपयांच्या एक्स-शोरूममध्ये उपलब्ध असेल. सध्या बाजारात उपलब्ध असलेली जिमनी 1.5-लिटर पेट्रोल इंजिनसह उपलब्ध आहे. ही कार 105hp चा उच्च पॉवर देते. ही SUV 5-स्पीड मॅन्युअल आणि 4-स्पीड ऑटोमॅटिक ट्रान्समिशनसह येते. ही 5 डोअर कार आहे. कारमध्ये वायरलेस चार्जर, सहा एअरबॅग्ज अशी महत्वाची व ग्राहकांच्या सुरक्षेची वैशिष्ट्ये उपलब्ध आहेत.
दरम्यान, ही कंपनीची 4 सीटर कार आहे. यात ऑटोमॅटिक क्लायमेट कंट्रोल, क्रूझ कंट्रोल आणि ट्यूबलेस टायर्स सारखी वैशिष्ट्ये आहेत. यात 5 स्लॉट ग्रिल, फॉग लाइट, हाय माउंटेड स्टॉप लॅम्प आणि स्टायलिश लाईट्स आहेत. अशा प्रकारे तुम्ही ही कार खरेदी केल्यास तुम्हाला मोठा फायदा होणार आहे.