औरंगाबाद – शेंद्रा एमआयडिसी ते वाळूज पर्यंत एकच उड्डाणपूल आणि मेट्रो रेल्वे कामाचा प्रकल्प आराखडा तयार करण्यासाठी महा मेट्रोच्या चार वरिष्ठ अधिकाऱ्यांचे पथक काल शहरात दाखल झाले. त्यांनी शहराच्या विविध भागात फिरून मेट्रो रेल्वे, फ्लायोवर मार्गाची माहिती घेतली.
मनपा कार्यालयात शहर अभियंता सखाराम पानझडे, उपायुक्त अपर्णा थेटे, उपसंचालक नगररचना ए.बी. देशमुख यांच्याशी चर्चा केली. त्यानंतर स्मार्ट सिटी च्या कार्यालयात अतिरिक्त मुख्य कार्यकारी अधिकारी अरुण शिंदे, उपमुख्य कार्यकारी अधिकारी पुष्कल शिवम, प्रकल्प व्यवस्थापक स्नेहा बक्षी यांची भेट घेतली.
पथकात या अधिकाऱ्यांचा समावेश –
मेट्रो आणि उड्डाणपुलाच्या सर्वेक्षणासाठी महा मेट्रोच्या चार वरिष्ठ अधिकाऱ्यांचे पथक दाखल झाले. यात वरिष्ठ अतिरिक्त महाव्यवस्थापक विकास नागुलकर, सहाय्यक व्यवस्थापक साकेत केळकर, अर्बन मास ट्रान्झिट कंपनीचे वरिष्ठ व्यवस्थापक शिव निरंजन, वरिष्ठ अभियंता उदय जयस्वाल यांचा समावेश आहे.