सातारा प्रतिनिधी । शुभम बोडके
सातारा जिल्ह्यात चुरशीची आणि प्रतिष्ठेची समजली जाणारी कोरेगाव नगर पंचायत निवडणुकीत शिवसेनेचे आमदार महेश शिंदे यांच्या परिवर्तन पॅनल 14-7 ने विजयी झाले. विजयानंतर शिवसेना आमदार महेश शिंदे यांचा पुन्हा एकदा राष्ट्रवादी पक्षावर घणाघाती टीका केली आहे. राष्ट्रवादीने आमच्याशी गद्दारी करून आम्हाला मध्यवर्ती बँकेतून काढले, अशी टीका करीत शिंदेनी राष्ट्रवादी काँग्रेसवर हल्लाबोल केला आहे.
कोरेगाव नगरपंचायतीचा निवडणुकीचा निकाल लागल्यानंतर आमदार महेश शिंदे यांनी माध्यमांशी संवाद साधला. यावेळी त्यांनी राष्ट्रवादी काँग्रेसवर हल्लाबोल केला. ज्यावेळी जिल्हा मध्यवर्ती बँकेची निवडणूक झाली त्यावेळी राष्ट्रवादीने बँकेच्या निवडणुकीत आमच्याशी गद्दारी केली. आणि आम्हाला मध्यवर्ती बँकेतून बाहेर काढले, अशी टीका शिंदे यांनी यावेळी केली.
सातारा जिल्ह्यातील कोरेगाव नगरपंचायत निवडणूक हि राष्ट्रवादीचे आमदार शशिकांत शिंदे आणि शिवसेनेचे विद्यमान आमदार महेश शिंदे यांच्यासाठी प्रतिष्ठेची मानली जात होती. यामध्ये शिवसेनेचे आमदार महेश शिंदे यांच्या परिवर्तन पॅनल 14-7 ने विजयी झाले आहेत.
