मुंबई | मी मुख्यमंत्री बोलतोय या कार्यक्रमातून मुख्यमंत्री देवेंद्र फडणवीस यांनी या अगोदर राज्यातील जनतेशी संवाद साधला आहे. शेतकरी, कामगार, महिला यांच्या प्रश्नावर या कार्यक्रमातून संवाद साधण्याचा मुख्यमत्र्यांनी प्रयत्न केला आहे. आज मुख्यमंत्री महाराष्ट्रात धगधगणाऱ्या मराठा आरक्षणाच्या मुद्द्यावर जनसामांन्यंशी संवाद साधणार आहेत.
दरम्यान हा संवाद साधण्या अगोदर मुख्यमंत्र्यांनी राष्ट्रीय स्वयंसेवक संघाच्या राज्यातील प्रमुख पदाधिकाऱ्यांच्या समवेत मुंबईतील यशवंत महाविद्यालयावर बैठक घेतली आहे. आजच्या जनसंवादाची रणनीती ठरवण्यासाठीच ही बैठक घेतली असे बोलले जाते आहे.
आज सायंकाळी ७.३० वाजता मुख्यमंत्री जनतेशी संवाद साधणार आहेत. या कार्यक्रमाचे प्रेक्षपण दूरदर्शन सह्याद्री वाहिनी आणि राज्यातील सर्व आकाशवाणी केंद्रावरून केले जाणार आहे. आजच्या जनसंवादात मुख्यमंत्री काय बोलणार याकडे संपूर्ण महाराष्ट्राचे लक्ष लागले आहे.
मराठा आरक्षणावर मुख्यमंत्र्यांची मन की बात
