हॅलो बॉलिवूड ऑनलाईन। सैराट चित्रपटातून आपल्या अलग बोली आणि हटके अंदाजामुळे आर्ची अर्थात अभिनेत्री रिंकू राजगुरु प्रत्येक घराघरात पोहचली. रिंकू राजगुरूने अगदी अल्पावधीतच प्रेक्षकांच्या मनात कायमस्वरूपी घर केले आहे. सध्या ती सोशल मीडियावर चांगलीच सक्रिय आहे. सोशल मीडियाच्या माध्यमातून ती आपल्या चाहत्यांच्या संपर्कात असते. तसेच ती सोशल मीडियावर सतत आपले फोटो व व्हिडीओ शेअर करत असते. नुकताच तिने एक ब्लॅक अँड व्हाईट असा व्हिडीओ सोशल मीडियावर शेअर केला आहे. तिचा हा व्हिडीओ चांगलाच वायरल होत आहे आणि प्रेक्षक अगदी १९५५ मध्ये जाऊन पोहोचले आहेत. रिंकूच्या अंदाजाने चाहते पुरते घायाळ झाले आहेत.
https://www.instagram.com/p/CPCsOIcp9X6/?utm_source=ig_web_copy_link
रिंकू राजगुरूने हा व्हिडीओ तिच्या अधिकृत इंस्टाग्राम अकाउंटवर शेअर केला आहे. या व्हिडिओत ती १९५५ सालातील ‘आइये मेहरबान’ या लोकप्रिय गाण्यावर छत्री घेऊन थिरकताना दिसते आहे. या व्हिडीओत रिंकू खूपच छान दिसत आहे. तिने व्हाइट रंगाचा शर्ट आणि ग्रे रंगाची पॅण्ट परिधान केली आहे. त्यामुळे तिचा हा ब्लॅक अँड व्हाइट अंदाज असलेला व्हिडीओ तिच्या चाहत्यांना अतिशय भावला आहे. अनेकांनी कमेंट करीत तिच्या या व्हिडिओवर तिचे कौतुक करणाऱ्या कमेंट्स केल्या आहेत. तर अगदी काही तासांतच हा व्हिडीओ प्रचंड वायरल झाला आहे.
https://www.instagram.com/p/CO9rU-3pv-T/?utm_source=ig_web_copy_link
अभिनेत्री रिंकू राजगुरूचा काही दिवसांपूर्वी अनपॉज्ड हा चित्रपट रिलीज झाला आहे. या चित्रपटात पाच लघुपट आहेत. त्यातील रॅट-ए-टॅटमध्ये रिंकू दिसली आहे. शिवाय रिंकू राजगुरूने अलीकडेच लंडनमध्ये आगामी मराठी चित्रपट छूमंतरचे शूटिंग पूर्ण केले आहे.
https://www.instagram.com/p/CO2RYhXp06P/?utm_source=ig_web_copy_link
छूमंतर या चित्रपटात रिंकू प्रार्थना बेहरे, सुव्रत जोशी आणि ऋषी सक्सेना यांच्यासोबत स्क्रीन शेअर करताना दिसणार आहे. या चित्रपटाचे दिग्दर्शन समीर जोशी यांनी केले आहे. तसेच रिंकू झुंड या हिंदी चित्रपटातदेखील दिसणार आहे. यात तिच्यासोबत बॉलिवूडचे महानायक अमिताभ बच्चन मुख्य भूमिकेत दिसणार आहेत.