हॅलो महाराष्ट्र ऑनलाईन । कमी वेळेत मजबूत रिटर्न पाहिजे असल्यास आपण खालील काही Mutual Fund मधील Investment बाबत विचार करण्यास हरकत नाही ज्या माध्यमातून आपल्या गुंतवणुकीवर कमी वेळेत जास्त परतावा प्राप्त करू शकतो. त्यासाठी लार्ज कॅप फंडांमध्ये पैसे गुंतवण्याचा पर्याय उत्तम असू शकतो . आज आम्ही त्याबाबत तुम्हाला सखोल माहिती खाली देत आहोत.
सेबीच्या नियमांनुसार, लार्ज कॅप म्युच्युअल फंडांना त्यांच्या कॉर्प्‍सपैकी फक्त 80% लार्ज कॅप स्टॉकमध्ये गुंतवणे आवश्यक आहे. जर आपण वार्षिक परताव्याबद्दल बोललो, तर 6 लार्ज कॅप फंडांनी गुंतवणूकदारांना सरासरी 14% वार्षिक नफा दिला आहे.
लाइव्ह मिंटच्या अहवालानुसार, (Nippon India Large Cap Fund) निप्पॉन इंडिया लार्ज कॅप फंड 8 ऑगस्ट 2007 रोजी लिक्विडेटेड झाला. त्याने स्थापनेपासून 11.76% वार्षिक परतावा दिला आहे. या फंडाने लार्सन अँड टुब्रो, स्टेट बँक ऑफ इंडिया आणि ऍक्सिस बँक यांसारख्या मोठ्या समभागांमध्ये गुंतवणूक केली आहे.
SBI ब्लूचिप फंड (SBI Bluechip Fund) हा 14 फेब्रुवारी 2006 रोजी लाँच करण्यात आला. लाँच झाल्यापासून, त्याचा वार्षिक सरासरी परतावा 11.55 टक्के आहे. लार्सन अँड टुब्रो, स्टेट बँक ऑफ इंडिया, ITC आणि इन्फोसिस हे काही प्रमुख समभाग आहेत ज्यात फंडाने गुंतवणूक केली आहे.
कॅनरा रोबेको ब्लूचिप इक्विटी फंड Canara Robeco Bluechip Equity Fund) 20 ऑगस्ट 2010 रोजी लाँच करण्यात आला. त्याचा आतापर्यंतचा सरासरी वार्षिक परतावा १२.०८ टक्के आहे. एचडीएफसी बँक, आयसीआयसीआय बँक, एसबीआय आणि आयटीसी हे फंडाचे एक्सपोजर असलेले काही मोठे स्टॉक आहेत.
आदित्य बिर्ला सन लाइफ फ्रंटलाइन इक्विटी फंड (Aditya Birla Sun Life Frontline Equity Fund) 20 वर्षांहून अधिक काळ कार्यरत असलेला हा फंड असून . आतापर्यंत या फंडाने आपल्या गुंतवणूकदारांना वार्षिक सरासरी 10.7% परतावा दिला आहे. एचडीएफसी बँक, आयसीआयसीआय बँक आणि इन्फोसिस या फंडाने गुंतवणूक केलेल्या काही शीर्ष समभाग आहेत.
UTI निफ्टी 50 (UTI Nifty 50) फंडाची स्थापना मार्च 2000 मध्ये करण्यात आली. लाँच झाल्यापासून या फंडाचा सरासरी वार्षिक परतावा 11.04% आहे. UTI फंडाचे पैसे HDFC, IRCCI बँक इन्फोसिस आणि ITC सारख्या मोठ्या समभागांमध्ये गुंतवले जातात.
HDFC इंडेक्स निफ्टी 50 फंड जुलै 2002 मध्ये सुरू करण्यात आला. त्याचा आतापर्यंतचा वार्षिक सरासरी परतावा 14.53 टक्के आहे. एचडीएफसी बँक, एचडीएफसी आणि आयसीआयसीआय बँकेचे स्टॉक हे या फंडाने गुंतवणूक केलेल्या शीर्ष समभागांपैकी आहेत.
((Disclaimer: येथे नमूद केलेले म्युच्युअल फंड हे आर्थिक सल्लागाराच्या सल्ल्यावर आधारित आहेत. तुम्हाला यापैकी कोणत्याही फंडमध्ये गुंतवणूक करायची असल्यास, प्रथम तुमच्या आर्थिक गुंतवणूक सल्लागाराचा सल्ला घ्या. तुमच्या नफा किंवा तोट्यासाठी हॅलो महाराष्ट्र जबाबदार नाही.)