हॅलो महाराष्ट्र ऑनलाईन | आपल्या देशाचे पंतप्रधान नरेंद्र मोदी हे सोशल मीडियावर नेहमीच सक्रिय असतात. अनेक गोष्टींची माहिती ते सोशल मीडिया पोस्टमार्फत सगळ्यांना देत असतात. अशातच आता पंतप्रधान नरेंद्र मोदींनी एक पोस्ट केली आहे. जी सगळ्यांचे लक्ष वेधून घेताना दिसत आहे. आजपर्यंत आपण नरेंद्र मोदी यांच्या प्राण्यांबद्दलची ओढ नेहमीच पाहिलेली आहे.
मोदींच्या निवासस्थानातील बाग, झाडे, झुडपे, पक्षी, प्राणी या सगळ्याचे दर्शन ते त्यांच्या सोशल मीडिया पोस्ट मधून देत असतात. आणि त्यांचे निसर्गावरील आणि प्राण्यांमधील प्रेम या पोस्टवरून स्पष्टपणे दिसत असते. नुकतेच त्यांच्या बागेतील एका गाईने वासराला जन्म दिलेला आहे. आता याच वासरा सोबत पंतप्रधान नरेंद्र मोदी यांनी काही फोटो शेअर केलेले आहे.
नरेंद्र मोदी देवघरात पूजा करताना देखील त्या गाईच्या वासराला घेऊन पूजा करत आहे. तसेच त्यांच्या वासराच्या गळ्यात एक हार घातलेला आहे. हे वासरू पंतप्रधानांच्या संपूर्ण घरात त्यांच्या मागे बागडताना दिसत आहे. त्यांनी याबाबत एक व्हिडिओ देखील शेअर केला आहेत. त्यामध्ये हे वासुदेवघरापर्यंत आलेले दिसत आहे. व्हिडिओमध्ये मोदी त्या वासराला जवळ घेतात. त्याच्या गळ्यात हार घालतात. तसेच अंगावर शाल देखील टाकतात आणि त्याला मायेने जवळ घेताना दिसत आहे.
नरेंद्र मोदींनी या नवीन वासरा सोबतच्या अनेक फोटो एक्सवर शेअर केलेले आहे. यातूनच नरेंद्र मोदी यांचे त्या वासरा प्रतीआणि प्राण्यांप्रती असलेले प्रेम दिसून येते. त्यांनी पोस्ट करून त्यांच्या भावना व्यक्त केलेल्या आहे. पंतप्रधान नरेंद्र मोदी यांनी या वासराच्या जन्माचा एक उत्सव साजरा केलेला आहे. त्याचप्रमाणे ते वासरू देखील नरेंद्र मोदी यांच्या कुशीत अगदी शांत बसलेले आहे.