मुंबई | राष्ट्रवादी काँग्रेस पक्षाच्या प्रदेश प्रवक्ता पॅनलची ३१ जणांची यादी प्रदेशाध्यक्ष आमदार जयंत पाटील यांनी जाहीर केली आहे. जाहीर केलेल्या ३१ जणांच्या प्रदेश प्रवक्ता यादीमध्ये ८ नवीन चेहऱ्यांना संधी देण्यात आली आहे. या प्रवक्ता यादीमध्ये मुख्य प्रवक्ता म्हणून नवाब मलिक आहेत. तर प्रदेश प्रवक्ते म्हणून आमदार हेमंत टकले, खासदार वंदना चव्हाण, संजय खोडके यांची नियुक्ती जाहीर करण्यात आली आहे.
या यादीमध्ये जिल्हानिहाय प्रदेश प्रवक्ते जाहीर करण्यात आले आहेत. त्यामध्ये मुंबई – आमदार विदया चव्हाण, आमदार राहुल नार्वेकर, महिला प्रदेशाध्यक्षा चित्रा वाघ, क्लाईड क्रास्टो, अदिती नलावडे, महेश चव्हाण, डॉ.समीर दलवाई, पुणे – म्हणून अंकुश काकडे, चेतन तुपे, जयदेव गायकवाड, विकास लवांडे, विजय कोलते, भूषण राऊत, ठाणे — आनंद परांजपे, महेश तपासे, औरंगाबाद – सुरजितसिंग खुंगर, निलेश राऊत, उमर फारुकी, अकोला – डॉ.आशाताई मिरगे, नाशिक- विश्वास ठाकूर, डॉ.भारती पवार, बीड – श्रीमती उषाताई दराडे, अमरसिंह पंडीत, उस्मानाबाद – कुमारी सक्षणा सलगर, सोलापूर – उमेश पाटील, नागपूर – प्रविण कुंटे-पाटील आदी तर प्रवक्ता समन्वयक म्हणून सुरज चव्हाण यांची नियुक्ती जाहीर करण्यात आली आहे.
तसेच पक्षातर्फे दोन लोकसभा जिल्हाध्यक्ष तर तीन कार्याध्यक्षांच्या नियुक्त्या करण्यात आल्या आहेत. पक्षाच्या सन २०१८-२०२० पक्षांतर्गत निवडणूका पार पडल्या असून यामधील दोन लोकसभा जिल्हाध्यक्ष आणि तीन कार्याध्यक्षांच्या नियुक्त्या करण्यात आल्या. सर्व नवनिर्वाचित प्रवक्त्यांचे, जिल्हाध्यक्षांचे आणि कार्याध्यक्षांचे जयंत पाटील यांनी अभिनंदन केले आहे.
राष्ट्रवादी काँग्रेस पक्षाच्या प्रदेश प्रवक्ता पॅनलची ३१ जणांची यादी आज प्रदेशाध्यक्ष आमदार Jayant Patil – जयंत पाटील यांनी जाहीर केली आहे. आज जाहीर केलेल्या ३१ जणांच्या प्रदेश प्रवक्ता यादीत आठ नवीन चेहऱ्यांना संधी देण्यात आली आहे.#NCP #Spokesperson pic.twitter.com/POPF9bFRIe
— NCP (@NCPspeaks) September 19, 2018
