हॅलो महाराष्ट्र ऑनलाइन | मुख्यमंत्री आणि उपमुख्यमंत्र्यांकडून माझे फोने टॅप केले आत आहे असा खळबळजनक आरोप काँग्रेस प्रदेशाध्यक्ष नाना पटोले यांनी केल्यानंतर महाविकास आघाडीत खळबळ उडाली होती. त्यानंतर राष्ट्रवादी काँग्रेसचे अध्यक्ष शरद पवारांकडून नाना पटोलेंचा उल्लेख छोटा माणूस असं केल्यानंतर आता राष्ट्रवादीचे दिग्गज नेते प्रफुल्ल पटेल यांनी देखील नाना पटोलेंवर निशाणा साधला आहे आम्ही काँग्रेस हायकमांडचे प्रतिनिधी असलेल्या एच. के. पाटील यांच्या बोलण्याला महत्त्व देतो. अशा शब्दांत प्रफुल्ल पटेल यांनी पटोलेंना टोला हाणला आहे.
आम्ही फक्त एच.के. पाटील काय म्हणतात त्याला महत्त्व देतो. कारण त्यांच्या बोलण्यात तथ्य असतं’, बाकीचे काय बोलतात त्याला महत्त्व नाही, अशा शब्दात नानांना टोला लगावला आहे. तसेच, ‘ज्यांना जे करायचंय त्यांनी ते करावं. कुणीच कुणाला बांधून ठेवलेलं नाही. आम्ही रोज रोज उत्तरं का द्यावीत?’ असा सवालही पटेलांनी केला.
नाना पटोले रोज बोलतात, त्यावर बोलणं मला शोभत नाही. त्यांच्याविषयी जे काही बोलायचं होतं, त्यावर पवार साहेब बोलले आहेत. त्यामुळं त्यावर जास्त भाष्य करणं योग्य नाही,’ असंही पटेल यांनी स्पष्ट केलं.
