हॅलो महाराष्ट्र ऑनलाइन | संपूर्ण राज्याचे लक्ष्य लागलेल्या कवठे महांकाळ नगरपंचायत निवडणुकीत राष्ट्रवादी कॉंग्रेसचे युवा नेते रोहित पाटील यांनी सर्व विरोधकांना अस्मान दाखवत आपली सत्ता खेचून आणली आहे. रोहित पाटील यांच्या नेतृत्वाखाली राष्ट्रवादी काँग्रेसने 10 जागा जिंकत आपलं नाणे खणखणीत आहे हे दाखवून दिले आहे.
कवठे महांकाळ येथे 13 जागांसाठी नगरपंचायत निवडणूक लागली होती. यामध्ये राष्ट्रवादी काँग्रेसने 10 जागांवर विजय मिळवला आहे. आर आर पाटील यांचे सुपुत्र रोहित पाटील यांच्या विरोधात सर्व विरोधक येकटवले होते. तरीही रोहित पाटील यांनी एकहाती विजय मिळवत विरोधकांना अस्मान दाखवलं.
शिवसेनेचे माजी मंत्री अजितराव घोरपडे, माजी खासदार संजय काका पाटील तसेच राष्ट्रवादीचा एक गट आणि काँग्रेस, शेतकरी विकास आघाडी हे सर्व विरोधकांचे आव्हान रोहीत पाटील यांच्यासमोर होत. मात्र रोहित पाटील यांनी खंबीरपणे लढा देत राष्ट्रवादी काँग्रेसला विजय मिळवून दिला