हॅलो बॉलिवूड ऑनलाईन। बॉलिवूड अभिनेत्री विद्या बालनचा आगामी चित्रपट शेरनीचा ट्रेलर नुकताच रिलीज झाला आहे. या चित्रपटाच्या ट्रेलरला प्रेक्षकांकडून आणि समीक्षकांकडून खूपच चांगला प्रतिसाद मिळाला. यानंतर आता न्यूटन फेम अमित मसुरकर दिग्दर्शित विद्या बालनच्या आगामी ‘शेरनी’ या चित्रपटाचे आणखी एक लक्षवेधक नवे पोस्टर शेअर करण्यात आले आहे. या चित्रपटाबाबत प्रेक्षकांच्या उत्साहाला प्रोत्साहन देण्यासाठी म्हणून चित्रपटाच्या निर्मात्यांनी आज या आणखी एका पोस्टरचे रिलीज केले आहे. यानंतर प्रेक्षकांचा उत्साह तितकाच कायम आहे मात्र उत्सुकता शिगेला पोहोचली आहे.
https://www.instagram.com/p/CPz0PSzHtdT/?utm_source=ig_web_copy_link
शेरनी चित्रपटाच्या या नव्या पोस्टरमध्ये विद्या बालन वन अधिकारीच्या आव्हानात्मक भूमिकेमध्ये आपल्या सहकाऱ्यांसह एका घनदाट जंगलाची पाहणी करताना दिसत आहे.मुळात विद्या बालन हि अष्टपैलू अभिनेत्री आहे. ती नेहमीची आपल्या अभिनयातून तिच्या प्रत्येक पात्रात जीव ओतते, ह्यात काहीच शन्का नाही. त्यामुळे तिचा या चित्रपटातील लूक पाहून प्रेक्षकांची उत्सुकता आणखी वाढली आहे. टी-सीरिज आणि अबंडनतिया एण्टरटेन्मेंट, भूषण कुमार, कृष्ण कुमार, विक्रम मल्होत्रा आणि अमित मसूरकर निर्मित, विद्याचा बहुप्रतिक्षित चित्रपट शेरनी १८ जूनला अमेझॉन प्राइम व्हिडिओ या ओटीटी प्लॅटफॉर्मवर प्रदर्शित होणार आहे.
https://www.instagram.com/p/CPhwA9bHtXF/?utm_source=ig_web_copy_link
या चित्रपटाविषयी आणि भूमिकेविषयी बोलताना अभिनेत्री विद्या बालन म्हणाली की, “जेव्हा मी प्रथम शेरनी ची कहाणी ऐकली तेव्हापासून मला जग मोहक आणि अधिक सुंदर वाटू लागले आहे. तसेच मी ज्या भूमिकेत आहे, त्यात विद्या ही कमी शब्दांची पण अनेक आयामांची स्त्री आहे. हा चित्रपट एका संवेदनशील विषयावर आधारित आहे जो केवळ मनुष्य-प्राणी यांच्यातच नव्हे तर मानवांमध्येदेखील आदर, परस्पर समन्वय आणि सह-अस्तित्वाच्या विषयाला स्पर्श करतो. अमेझॉन प्राइम व्हिडिओद्वारे हे अनोखे पात्र आणि कथा जागतिक प्रेक्षकांसमोर येणार आहे याचा मला आनंद होत आहे आणि ते यात मत्रमुग्ध होतील अशी आशा करते. “