हॅलो महाराष्ट्र ऑनलाईन । केंद्रीय रस्ते व परिवहन विभागाच्या माध्यमातुन भारत देशात यावर्षी 20 मार्चपर्यंत 1 लाख 37 हजार 625 किलोमीटरपर्यंत महामार्गांचे बांधकाम करण्यात आलेले आहे. एप्रिल 2014 पर्यंत 91,287 किलोमीटर महामार्गांचे बांधकाम करण्यात आले होते. या कालावधीत भारताने महामार्गांच्या बांधकामासाठी केलेल्या खर्चाविषयी केंद्रीय रस्ते व परिवहन मंत्री नितीन गडकरी यांनी माहिती दिली. यावेळी त्यांनी येत्या दोन ते तीन वर्षांमध्ये भारतामध्ये अमेरिकेप्रमाणे चांगल्या दर्जाचे रस्ते केले जातील असे सांगितले.
केंद्रीय रस्ते व परिवहन मंत्री नितीन गडकरी यांनी देशातील रस्ते व वाहतुकीसंदर्भात महत्वाच्या घेतलेल्या निर्याबद्दल माहिती देण्यासाठी माध्यमांशी संवाद साधला. यावेळी त्यांनी महत्वाची माहिती दिली. ते म्हणाले की, देशभरात सध्या रस्तेनिर्मितीचे काम वेगाने सुरु आहे. सध्याच्या घडीला भारतात दररोज 38 किलोमीटर लांबीचे रस्ते तयार होत आहेत.
यावेळी मंत्री गडकरी म्हणाले की, भरत देशात सध्या रस्ते बांधकाम, डागडुजीचे काम अधिक गतीने सुरु आहे. प्रदेशाप्रमाणे आपल्याही देशातील रस्ते व्हावे यासाठी प्रयत्न केले जात आहरेत. त्यासाठी आधुनिक तंत्रज्ञानाची माहितीही घेतली जात आहे. येत्या तीन वर्षात भारतात अमेरिकेच्या दर्जाप्रमाणे रस्त्यांची निर्मिती केली जाईल. त्यासाठी प्रयत्नही केले जात आहेत.
