मुंबई : हॅलो महाराष्ट्र – कोणाला नीट नाचायला जमत नसले तरी नागीण डान्स हा प्रत्येकालाच येत असतो. हा नागीण डान्स आपल्याला लग्न किंवा कोणता डान्सचा प्रोग्रॅम असेल तिकडे पाहायला मिळतो. पुंगीचा आवाज ऐकू यायला लागला की काही लोक नागिणीसारखे डोलू लागतात. एक गारूडी बनतो आणि एक नाग. मग दोघांचा सुरू होतो तो नागिण डान्स. अशाच एका नागीण डान्सचा व्हिडिओ सोशल मीडियावर जोरदार व्हायरल होत आहे. या व्हिडिओमध्ये एक आजी नागीण बनल्याचे दिसत आहे तर तिचा नातू हा गारूडी बनला आहे. पुंगीचा आवाज ऐकताच आजीबाईने नागिणीचा अवतार घेतला आणि आपल्या तालावर नाचायला लावणाऱ्या गारूडी नातवालाच ती डसली.
पुंगी वाजताच आजीने केला नागीण डान्स; नागिण बनून नातवालाच डसली pic.twitter.com/Igog3Kaq8V
— Ajay Rajaram Ubhe (@RajaramUbhe) June 2, 2022
या व्हायरल व्हिडिओमध्ये बरेच लोक दिसत आहेत. नागिण गाण्याची धून ऐकायला येत आहे. एक तरुण आणि त्याच्यासोबत काही महिला नाचताना दिसतात. त्यानंतर हा तरुण आपल्या आजीला घेऊन येतो. तेव्ह सर्वजण बाजूला होतात. मध्ये फक्त आजी आणि नातू उभे असतात. आजी-नातू समोरासमोर उभे राहतात. नातू आपल्याजवळील रूमालाचं एक टोक तोंडात धरतो आणि दुसरं टोक हातात. रूमालाची पुंगी करून तो पुंगीसारखी गाण्याच्या तालावर फिरवतो.
आजी सुरुवातीला बाजूला शांत उभी असते पण त्यानंतर ती आपला जलवा दाखवत नागिणीचा अवतार घेते. हाताचा नागोबा करत ती डोलू लागते. तिच्या चेहऱ्यावरील हावभावही पाहण्यासारखे आहेत. तिने डोळे थोडे मोठे केले आहेत, चेहऱ्यावर बिलकुल हसू नाही. एखादी नागिण जशी रागात असावी तसाच तिचाही चेहरा पाहायला मिळतो. आजी नातवाचा हा नागीण डान्स सोशल मीडियावर जोरदार व्हायरल होत आहे.
हे पण वाचा :
नाशिकमध्ये रेल्वेखाली उडी घेऊन माय-लेकीची आत्महत्या
बड्डे आहे भावाचा !!! जल्लोष साऱ्या गावाचा !!!
राज्यसभा निवडणुकीत कोणी घोडेबाजार करण्याचा प्रयत्न केल्यास…; संजय राऊतांचा थेट फडणवीसांना इशारा
राज्य सरकारांकडून पेट्रोल-डिझेलच्या किंमतींमध्ये आणखी कपात केली जाणार ???
आता खिसा होणार रिकामा, जूनमध्ये केले जाणार ‘हे’ 5 आर्थिक बदल !!!