हॅलो महाराष्ट्र ऑनलाईन । अनेकांची नवीन वर्षाच्या ( New Year ) स्वागतासाठी जोरदार तयारी सुरु झाली असेल. या नववर्षानिमित्त सर्व हॉटेल, रिसॉर्ट्स, आणि खासगी फार्महाऊसेसची आकर्षक सजावट पाहायला मिळते. मुंबईतील न्यू इयर पार्टीज विशेष प्रसिद्ध असल्या तरीही शांततेत आणि निसर्गाच्या सान्निध्यात नवीन वर्षाचं स्वागत करण्यासाठी महाराष्ट्रातील काही अप्रतिम ठिकाणं आहेत. जी ठिकाणे नवीन वर्ष साजरे करण्यासाठी उत्तम पर्याय ठरतील. तर चला ती कोणती ठिकाणे आहेत हे पाहुयात.
मिनी गोवा अलिबाग –
मुंबईपासून अवघ्या 96 किमी अंतरावर असलेला अलिबाग समुद्रकिनारा आणि शांत वातावरणासाठी प्रसिद्ध आहे. निसर्गरम्य किनाऱ्यावर रिसॉर्ट्स किंवा फार्महाऊस बुक करून तुमचं नवीन वर्ष खास बनवू शकता. तसेच नवघर बीच हा समुद्र किनारा देखील अलिबागच्या आसपास आहे आणि इथे सफेद वाळू, आणि शांत वातावरण असल्यामुळे , या बीचवर देखील तुम्ही तुमचा प्लॅन करू शकता. येथे पोहोचण्यासाठी आपण कार, बस किंवा फेरीचा वापर करू शकता.
निसर्गरम्य हिल स्टेशन लोणावळा –
पुणे जिल्ह्यातील लोणावळा हे हिवाळ्यात स्वर्गसुखाचा अनुभव देणारं ठिकाण आहे. येथे बुशी डॅम, पवना तलाव, कार्ला लेणी यांसारखी ठिकाणे भेट देण्यासारखी आहेत. अनेक रिसॉर्ट्स आणि व्हिलामध्ये नववर्षासाठी खास पार्ट्या आयोजित केल्या जातात. त्यामुळे हा तुमच्यासाठी उत्तम पर्याय ठरेल. लोणावळा हे एक अत्यंत लोकप्रिय हिल स्टेशन आहे, आणि नवीन वर्षाच्या वेळी इथे खूप पर्यटक येतात. हिवाळ्यात इथे थंड हवामान आणि निसर्गाच्या सौंदर्याचा आनंद घेता येतो. नवीन वर्षाच्या सणाच्या वेळी, लोणावळ्यात विशेष कार्यक्रम, कॅम्पिंग आणि रिसॉर्ट्समध्ये साजरे होणारे इव्हेंट्स असू शकतात. तसेच लोणावळा परिसरात ट्रेकिंग, बोटिंग, कॅम्पिंग, आणि इतर साहसी क्रियाकलापांचीही विशेष संधी आहे, ज्यामुळे तुमचा अनुभव आणखी खास होईल.
शांततेचं ठिकाण भंडारदरा –
अहमदनगर जिल्ह्यातील भंडारदरा हे हिल स्टेशन निसर्गप्रेमींसाठी उत्तम आहे. येथील रिसॉर्ट्समध्ये नवीन वर्षाचं स्वागत मोठ्या उत्साहात केलं जातं. भंडारदऱ्याच्या सुंदर वातावरणात, पर्यटकांना रिसॉर्ट्समध्ये विशेष कार्यक्रम आणि कॅम्पिंगचा आनंद घेता येईल. येथील रतनगड किल्ला, अंब्रेला फॉल्स, आणि विल्सन डॅम ही ठिकाणं नक्कीच भेट देण्याजोगी आहेत. शांती, निसर्ग आणि साहस यांचा अनोखा संगम भंडारदऱ्यात मिळतो. नवीन वर्षाच्या सणाच्या वेळी इथे एक खास अनुभव मिळेल.
महाबळेश्वर –
महाबळेश्वर हे महाराष्ट्रातील एक अत्यंत लोकप्रिय हिल स्टेशन आहे, जे आपल्या आल्हाददायक हवामान आणि स्ट्रॉबेरी शेतीसाठी प्रसिद्ध आहे. नववर्षाच्या सणासाठी महाबळेश्वरमध्ये अनेक उत्तम पार्टी ऑप्शन्स उपलब्ध आहेत. हिवाळ्यातील थंड वातावरणात निसर्गाच्या सौंदर्याचा आनंद घेत आपल्याला येथे खास अनुभव मिळू शकतो. महाबळेश्वरचे प्रसिद्ध पॉइंट्स, प्रकृतिक सौंदर्य आणि स्ट्रॉबेरी फार्म्स येथे भेट देण्यासारखी ठिकाणं आहेत. त्यामुळे नवीन वर्षाच्या सणाच्या स्वागतासाठी हा पर्याय तुमच्यासाठी एक आदर्श ठिकाण ठरू शकतो.
नाशिक –
नाशिकमधील वाईनयार्ड्समध्ये नववर्षाच्या रात्रीचा आनंद घ्यायला अनेक पर्यटक येतात. येथे शांत आणि अनोख्या वातावरणात नवीन वर्षाचं स्वागत करता येतं. येथील सुंदर निसर्ग, शांत वातावरण आणि वाईन चाखण्याचा अनुभव एक अनोखा अनुभव देतो. त्यामुळे, जर तुम्हाला नवीन वर्ष शांत आणि आल्हाददायक वातावरणात साजरं करायचं असेल, तर नाशिक तुमच्यासाठी उत्तम पर्याय ठरू शकतो. त्यामुळे तुम्हाला जर शांतता आणि निसर्गाच्या सान्निध्यात नवीन वर्षाचा आनंद घ्यायचा असेल, तर वरील ठिकाणं तुमच्यासाठी उत्तम पर्याय ठरतील.
