हॅलो महाराष्ट्र ऑनलाईन । आजकाल प्रत्येकजण कोरोना विषाणूमुळे झालेल्या लॉकडाऊनमुळे आपल्या स्वयंपाकघरात नवनवीन पदार्थ बनवताना दिसत आहे. यापैकीच एका छोट्या शेफची छायाचित्रेही सोशल मीडियावर सध्या व्हायरल होत आहेत. अमेरिकेच्या व्हर्जिनिया राज्यातील एक वर्षाचा असलेला लिटिल शेफ कोबेने आपल्या इंटरेस्टिंग व्हिडिओंद्वारे इंस्टाग्रामवर लोकांचे लक्ष वेधून घेतले आहे. तो सोशल साइटवर लोकांना किचनमध्ये स्वयंपाक करण्यासाठी नवीन टिप्स देताना दिसतो आहे.
या लिटिल शेफच्या इन्स्टाग्राम अकाऊंटचे नाव बदलून आता ‘कोबे ईट्स’ असे करण्यात आले आहे . आतापर्यंत त्याचे ५ लाख, १४ हजाराहून अधिक फॉलोअर्स झालेले आहेत. ‘फूड डॉट कॉम’ एनडीटीव्हीच्या एका वृत्तानुसार असे सांगितले गेले आहे की त्याचे आई-वडील कोबेचे हे अकाउंट सांभाळतात आणि कोबेचा व्हिडिओ देखील तेच पोस्ट करतात, ज्यामध्ये त्याने आपल्या स्वयंपाकघरात बर्याच रंजक पद्धतीने डिशेस तयार करत असताना दिसून येतो.
कोबेच्या प्रत्येक व्हिडिओला इन्स्टाग्रामवर हजारो लाईक्स मिळतात, ज्यामध्ये तो आपल्या आई अॅशलीच्या मदतीने मनोरंजकपणे स्वयंपाक कसा करावा हे शिकवतो. सुरुवातीला, तो आपल्या आईसह डिशेसच्या व्हिडिओवर रेटिंग देताना दिसला, त्यानंतर त्याने स्वतःच स्वयंपाक करण्यास सुरवात केली. यानंतर त्याचे व्हिडिओ खूपच व्हायरल होऊ लागले. कोबेकडे एक यूट्यूब चॅनेल देखील आहे ज्याला २ लाखाहून अधिक लोकांनी सब्सक्राइब केले आहे. त्याच्या फेसबुक अकाऊंटबरोबरच त्यांच्या वैयक्तिक वेबसाईटवरही लोकांचे खूप प्रेम मिळत आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
/cdn.vox-cdn.com/uploads/chorus_image/image/58883145/Screen_Shot_2018_03_01_at_4.46.39_PM.0.png)
