हॅलो महाराष्ट्र ऑनलाईन । अमेरिकेतून पदवीधर झालेल्या परदेशी विद्यार्थ्यांना अमेरिकेत राहण्यासाठी आणि काम करण्यासाठी ग्रीन कार्ड मिळावे, अशी इच्छा अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांनी केली आहे. ट्रम्प यांच्या या आश्वासनामुळे अमेरिकेतील भारतीय विद्यार्थ्यांना मोठा फायदा होणार आहे. कारण एका अहवालानुसार, 2022-23 शैक्षणिक वर्षात अमेरिकेत उच्च शिक्षणासाठी निवड करणाऱ्या भारतीय विद्यार्थ्यांची संख्या मागील वर्षाच्या तुलनेत 35% ने वाढली आहे.
जगातील बुद्धिमान लोकांना थांबवण्याची गरज अमेरिकेला आहे. ज्यांना इथे राहायचे आहे आणि ज्या लोकांकडे देशाला फायदा होईल अशा योजना आहेत त्यांनी इथेच राहावे असं ट्रम्प याना वाटत. जर तुम्ही (परदेशी विद्यार्थी) महाविद्यालयातून पदवीधर असाल, तर तुम्हाला या देशात राहण्यासाठी आपोआप ग्रीन कार्ड मिळायला हवे. यामध्ये कनिष्ठ महाविद्यालयांचाही समावेश आहे. मला अनेक कथा माहित आहेत जिथे लोक आमच्या देशातील उच्च महाविद्यालयांमधून पदवीधर झाले आणि त्यांना आमच्या देशात राहायचे होते आणि त्यांच्याकडे एक चांगली व्यवसाय कल्पना होती, परंतु ते येथे राहू शकले नाहीत. जर कोणी इथून शिकत असेल, परंतु तो येथे राहण्यास सक्षम नसल्यामुळे तो कोणत्याही कंपनीशी व्यवहार करू शकत नाही, तर जेव्हा मी राष्ट्राध्यक्ष होईल तेव्हा यात बदल करण्यात येईल असं आश्वासन ट्रम्प यांनी दिले.
ट्रम्प यांची बदललेली भूमिका अमेरिकेतील महाविद्यालयांमध्ये शिकणाऱ्या भारतीय विद्यार्थ्यांना प्रोत्साहन देणारी आहे. इन्स्टिट्यूट ऑफ इंटरनॅशनल एज्युकेशन (IIE) च्या डेटावरून असे दिसून आले आहे की 200,000 हून अधिक भारतीय विद्यार्थ्यांनी विविध यूएस संस्थांमध्ये ऍडमिशन घेतलं असून हा एक नवा विक्रम आहे. ही लक्षणीय वाढ परदेशात, विशेषतः युनायटेड स्टेट्समध्ये शैक्षणिक संधी शोधण्याच्या भारतीय विद्यार्थ्यांचा वाढता कल अधोरेखित करते. या अहवालात शिक्षणाची उच्च गुणवत्ता, व्यापक संशोधन सुविधा आणि अमेरिकन विद्यापीठांची जागतिक प्रतिष्ठा यासह या वाढीला हातभार लावणाऱ्या अनेक घटकांवर प्रकाश टाकण्यात आला आहे. याशिवाय, आंतरराष्ट्रीय प्रदर्शन मिळवण्याच्या आणि करिअरच्या संधी वाढवण्याच्या संधीमुळे यूएस भारतीय विद्यार्थ्यांसाठी एक पसंतीचे ठिकाण बनले आहे.
