नवी दिल्ली | एस.सी/एस.टी ना नोकरीत आणि शिक्षणात जसे आरक्षण आहे त्याच प्रमाणे त्यांना पद बढतीला ही आरक्षण द्यावे अशी मागणी सुप्रीम कोर्टात केंद्र सरकारच्या वतीने करण्यात आली आहे. एस.सी/एस.टी सामाजिक दृष्ट्या मागासलेले आहेत. त्यांच्यावर हजारो वर्षा पासून अन्याय होतो आहे. परिणामी त्यांना त्यांची प्रगती साधता आली नाही. त्यामुळे त्यांना पद बढतीत ही आरक्षण देण्यात यावे अशी मागणी केंन्द्र सरकारने न्यायालयाला दिलेल्या निवेदनात केली आहे.
भारताचे महाधिवक्ता के. के. वेणुगोपाल यांनी कलम ३३५ नुसार एस.सी/एस.टी च्या सामाजिक उन्नतीसाठी सरकारने प्रयत्न केला पाहिजे असे मत सुप्रीम कोर्टासोमोर सांगितले आहे.

जेजुरी | मराठा आरक्षणासाठी मराठा तरुणांचे आत्महत्येचे सत्र सुरुच असून काल दत्तात्रय शिंदे नावाच्या युवकाने रेल्वे रुळावर आत्महत्या केली. शिदे हे पिंगोरी या पुणे जिल्ह्यातील पुरंदर तालुक्यातील गावचे रहिवासी असून त्यांनी मराठा आरक्षणासाठी आत्महत्या केली असल्याचे समोर आले आहे. शिंदे यांनी पुणे कोल्हापूर लोहमार्गावर रेल्वे खाली आपली जीवनयात्रा संपवली आहे. त्यांचे वय ३४ वर्षे होते.
दत्तात्रय शिंदेच्या मागे त्यांचा चार वर्षाचा मुलगा असून गर्भवती पत्नी आहे. आई, वडील आणि एक अविवाहित भाऊ असा परिवार आहे. शिंदे कुटुंबाला शासनाची आर्थिक मदत आणि घरातील एका व्यक्तीला सरकारी नोकरीचे लेखी आश्वासन मिळेपर्यंत गावकऱ्यांनी दत्तात्रय शिंदेचा मृतदेह घेण्यास नकार दिला. तहसीलदारांनी लेखी आश्वासन दिल्या नंतरच मृतदेह ताब्यात घेऊन रात्री उशिरा अंत्यसंस्कार करण्यात आले.
दत्तात्रय शिंदे यांच्या खिशात सापडलेल्या चिठ्ठीत मराठा आरक्षणासाठी मी आत्महत्या करत आहे असे लिहले आहे. मराठा आरक्षणासाठी आत्महत्या करणे चुकीचे आहे. आपण आत्महत्येचा पर्याय निवडू नका असे आवाहन मराठा समाजाच्या अनेक प्रतिष्ठित व्यक्तींनी केले आहे.

मुंबई | बाॅलिवुड अभिनेत्री (Bollywood actress) कॅटरीना कैफ आणि अभिनेता सलमान खान आगामी ‘भारत’ या चित्रपटामधे एकत्र दिसणार आहेत. प्रियांका चोप्राने भारत मधून काही कारणांमुळे माघार घेतल्याने आता तिच्या जागी कोण भुमिका करणार याची सर्वांनाच उत्सुकता लागली होती. आता त्या रोल साठी कॅटरिनाचे नाव फायनल झाले असून सलमान आणि कॅटरिना भारत च्या निमित्ताने पुन्हा रुपेरी पडद्यावर एकत्र दिसणार आहेत.

• आलिया भट साठी रणबीर कपूर झाला फोटोग्राफर
• सचिन तेंडुलकर यांची मुलगी सारा तेंडुलकर येणार बॉलिवूडमध्ये?
• सनी लिओनीची “द अनटोल्ड स्टोरी” कायद्याच्या कचाट्यात

मागे सलमान खान ने फेसबुकवर कॅटरीनाचा उल्लेख सुशील कन्या असा केला होता. आता कॅटरीना ने भारत ची आॅफर कसलाही इगो मनात न बाळगता लगेच स्विकारल्याने सल्लु आणि कॅट यांच्या नात्याबद्दल त्यांच्या चाहत्यांमधे वेगवेगळ्या चर्चांना उधान आले आहे. यापार्श्वभूमीवर ‘अली आब्बास जफर’ माझे चांगले मित्र आहेत, त्यांचे यापूर्वीचे ‘मेरे ब्रदर की दुल्हन’ आणि ‘टायगर जिंदा है’ हे चित्रपट चांगलेच गाजले आहेत. त्यामुळेच मी भारत साठी होकार दर्शवला आहे असे कॅटरीना कैफ ने म्हटले आहे.

सांगली/जळगाव | मराठा आंदोलनाच्या पार्श्वभूमीवर झालेल्या राज्यातील दोन महानगरपालिकांच्या निवडणुकीत भाजपा ने विजय मिळवला आहे. सांगली आणि जळगाव या दोन्ही पालिकांमधे भाजपा ला एकहाती विजय मिळाला आहे. मुख्यमंत्री देवेंन्द्र फडणवीस यांनी त्याबद्दल जनतेचे अभिनंदन केले तसेच निकालातून जनतेचा कौल भाजप च्या बाजूने असल्याचे स्पष्ट झाले असल्याचे सांगितले.
सांगली महानगरपालिकेत भाजपाचा ४१ जागी विजय झाला असून कॉग्रेस आघाडीला ३५ जागांवर समाधान मानावे लागले. सत्ता जिंकण्याची वलग्ना करणाऱ्या शिवसेना ला सांगलीत खातेही उघडता आलेले नाही. भाजपच्या नेत्यांनी प्रचारात घेतलेले कष्ट आणि बुत गणिक पेरलेले कार्यकर्त्यांचे जाळे भाजपाच्या पथ्यावर पडले आहे.
जळगावच्या राजकारणातील चाळीस वर्षांची राजवट या निवडणुकांनी संपुष्टात आणली आहे. सुरेश दादा जैन यांचा जळगाव पालिकेत तब्बल ४० वर्षे दबदबा होता. तो खांदून काढण्यासाठी भाजपाने गिरीश महाजन यांच्या सारखा हुकमी एक्का नेतृत्वासाठी नेमला होता. योग्य नियोजनामुळे भाजपाचा जळगाव मध्ये अभूतपूर्व विजय मिळाला आहे. भाजपचे जळगावसाठीचे ‘मिशन फिफ्टी प्लस’ यशस्वी झाले आहे. जळगाव मध्ये भाजपला ५७ जागी विजय मिळाला असून शिवसेनेला फक्त १५ जागी समाधान मानावे लागले आहे. तर ३ जागी एम.आय.एम. विजयी झाली आहे.
आजच्या निकालाने भाजपच्या गोट्यात आनंदाचे वातावरण असून भाजपाचा लोकांमध्ये अजूनही प्रभाव कायम असल्याचे या निवडणुकीने दाखवून दिले आहे. सांगली सारखी महत्वाची महानगरपालिका कॉग्रेसला गमवावी लागली आहे.