दापोली : आंबेनळी अपघातग्रस्तांना आज दापोली कृषी विद्यापीठाने श्रद्धांजली वाहण्यासाठी शोकसभा घेतली. आपल्या सहकाऱ्यांना श्रद्धांजली वाहताना अनेकांना अश्रु अनावर झाले. शोकसभेतून सहकाऱ्यांच्या आठवणींना उजाळा देण्यात आला. तसेच काळजावर दगड ठेऊन विद्यापीठाच्या कामकाजाला सुरुवात करत असल्याचे कर्मचारी वर्गाकडून सांगण्यात आले.
२८ जुलै रोजी दुपारी बाराच्या सुमारास आंबेनळी घाटात मिनी बसचा अपघात झाला होता त्यात ३० व्यक्तींचा जागीच मृत्यू झाला होता तर एका व्यक्तीने गाडी तून उडी घेतल्याने तो बचावला होता.एकाच वेळी ३० व्यक्ती ठार झाल्याने दापोली शहरावर शोककळा पसरली होती.

पुणे | मराठा आरक्षणासाठी गेल्या दहा दिवसांपासून महाराष्ट्रभर ठिकठिकाणी आंदोलन सुरु असताना मुख्यमंत्री देवेंद्र फडणवीस यांनी २८ तारखेला झालेल्या सर्वपक्षीय बैठकीत मागासवर्गीय अहवाल महिन्याभरात येईल अस म्हटले होते. मात्र तरीही अहवाल येईपर्यंत आंदोलन सुरुच ठेवण्याचा पवित्रा आंदोलकांनी घेतला आहे.

सकल मराठा समाजाच्या वतीने आज महाराष्ट्र बंद ची हाक देण्यात आली आहे. यामधे प्रामुख्याने सोलापुर , नांदेड, नाशिक आदी जिल्ह्यांचा विशेष सहभाग आहे. ठिकठिकाणी कार्यकर्ते महामार्ग अडवून व टायर जाळून निषेध व्यक्त करत आहेत. मराठा आरक्षणाच्या मागण्यासहित आंदोलकांच्या वरचे गुन्हे मागे घेण्याची मागणी जोर धरत आहे.

गुवाहाटी | आसाम मधील बांगलादेशी घूसखोरी हा अनेक दशकापासून चालत आलेला प्रश्न आहे. यावर तोडगा काढण्यासाठी ‘नॅशनल रजिस्टर ऑफ सिटिझनशिप’ (एन.आर.सी.) ची स्थापना करण्यात आली आहे. एन.आर.सी. आपली पहिली यादी आज जाहीर करणार आहे. या संस्थेचा दावा आहे की एकट्या आसाम राज्यात ४० लाख घूसखोर आहेत.

२.८० कोटी लोकसंख्या असलेल्या आसाम मध्ये घूसखोरांची संख्या वाढत गेल्याने त्यावर तोडगा म्हणून एनअारसी ची स्थापना करण्यात आली होती. १९५१ साली आशा प्रकारची यादी पहिल्यांदा बनवण्यात आली होती. सध्या कार्यरत असलेल्या एनअारसी ने १९७१ हे साल मूल नागरिकत्वाचे प्रमाण मानले आहे. १९७१ पूर्वीचा आसाम रहिवासाचा पुरावा नागरिकांना समिती पुढे सादर करावा लागला आहे. त्यानुसार ही यादी बनवण्यात आली आहे. ३० ऑगस्ट पर्यंत ही यादी एनअारसी च्या विविध केंद्रावर प्रकाशित केली जाणार आहे. ज्यांच्या नागरिकत्वाची अडचण आहे त्यांनी आपले नागरिकत्व ३० ऑगस्ट पूर्वी समितीसमोर सादर करायचे आहे.
‘नॅशनल रजिस्टर ऑफ सिटिझनशिप’ ची यादी जाहीर होताच राज्यात हिंसाचार भडकण्याची शक्यता असल्याने राज्यात सीआरपीएफच्या २२० तुकड्या तैनात करण्यात आल्या आहेत.

नवी दिल्ली | पंतप्रधान नरेंद्र मोदी यांनी आज मन की बात कार्यक्रमात पंढरीच्या वारीवर विचारलेल्या प्रश्नाच्या उत्तरावर बोलताना हे आवाहन केले आहे. पंधरा दिवस अगोदोर पाई चालत जाऊन लोक चैतन्य परमात्मा विठ्ठलाचे दर्शन घेतात आणि वेगळीच अनुभूती मिळवतात. जेव्हा जेव्हा तुम्ही विठ्ठलाचे दर्शन घ्याल तेव्हा तुम्हाला वेगळी अनुभूती येईल असे पंतप्रधान म्हणाले.
मोदींनी पंढरीच्या वारी बद्दल केलेला उल्लेखाने तमाम मराठी जणांनी आनंद व्यक्त केला आहे. नरेंद्र मोदींनी मागे ही अनेक वेळा विठ्ठला बद्दल उल्लेख केला आहे.२०१३ साली लोकसभेच्या निवडणुकीचा शंख फुंकण्यासाठी पुण्यात आल्यावर पालखी सोहळा सुरू होता त्यावेळी ही त्यांनी शुभेच्छा दिल्या होत्या.

मुंबई | अली अब्बास जफर यांच्या भारत चित्रपटात प्रियांका चोप्रा मुख्य भूमिकेत होती तिने हा चित्रपट सोडल्याने बॉलिवूड जगतात खळबळ माजली आहे. भारत चित्रपटात सलमान खान सोबत प्रियांका चोप्रा अभिनय करणार होती परंतु तिने अचानक घेतलेल्या एक्सिट मुळे अनेकांनी भोवया उंचावल्या आहेत. अली अब्बास जफर यांनी आपल्या ट्विटर वरून या बातमीचा खुलासा केला त्याच बरोबर निक सोबत होऊ घातलेल्या लग्नामुळे प्रियांका चित्रपट सोडत असावी अशी पुष्टी देखील जोडली आहे.
बऱ्याच गोष्टी आत शिजत असतात त्या बाहेर काढता येत नाहीत म्हणून असे बाहेर पडण्याचे प्रकार घडतात.आम्ही केलेल्या जिंजीर चित्रपटात ही असे प्रसंग समोर आले होते. असे मत सलमान खानचे वडिल सलीम खान यांनी या संदर्भात प्रतिक्रिया नोंदवताना म्हटले आहे. तर असे प्रसंग बॉलिवूड मध्ये कायम घडतात असे सलमान खान ने म्हटले आहे.
प्रियांकाच्या सोड चिठ्ठी नंतर तिच्या जागी कॅटरीना आणि क
जॅकलीनचे नाव चर्चेत आहे. भारत चित्रपटाचे निर्माते निखिल नमीत यांनी प्रियंकाच्या कृतीला ‘अनप्रोफेशनल’ म्हणले आहे.

पिंपरी चिंचवड | पुण्याच्या पोलीस आयुक्तालयावरील अतिरिक्त भार कमी करण्यासाठी नव्याने तयार करण्यार येणाऱ्या पिंपरी चिंचवड पोलीस आयुक्तालयाचे काम आता अंतिम टप्प्यात आले आहे. पुणे पोलीस आयुक्तालयाच्या परिक्षेत्रात असलेला भाग हा ३० किलोमीटर पेक्षा अधिक होत असल्याने तसेच पोलीस प्रशासनाला अडथळा निर्माण होत असल्याने नव्या पोलीस आयुक्तालयास गृह खात्याने मान्यता दिली.
भारतीय पोलीस सेवेतील मकरंद रानडे यांची पिंपरी चिंचवडच्या पहिल्या पोलीस आयुक्त पदी नेमणूक झाली आहे. तर नम्रता पाटील आणि विनायक ढाकणे यांची उपायुक्त पदी निवड करण्यात आली आहे.
पिंपरी चिंचवड मधील महात्मा फुले शाळेचा भूखंड पोलीस आयुक्तालयासाठी आरक्षित करण्यात आला होता.आयुक्तालयाचे काम अंतिम टप्प्यात असून १५ ऑगस्ट रोजी आयुक्तालयाचे उदघाटन अपेक्षित आहे. पिंपरी, चिंचवड, निगडी, वाकड,भोसरी, भोसरी एमआयडीसी, हिंजवडी चिकली, दिघी, देहूरोड, आळंदी, तळेगाव दाभाडे, तळेगाव एमआयडीसी, चाकण,सांगवी आशा १५ पोलिस स्टेशनचा समावेश नव्या आयुक्तालयात करण्यात येणार आहे.

मुंबई | राज्यभर एवढी आंदोलने करून पण सरकारला जर आमची मागणी गांभीर्याने घ्यायची नसेल तर आता आम्ही जेल भरो करणार असल्याचा इशारा मराठा समाजाने दिला आहे. मराठा समाजाची मुख्यमंत्री आणि चंद्रकांत पाटील यानी माफी मागावी अशी मागणी मराठा आंदोलकांनी केली आहे.
आरक्षणासाठी वारकऱ्यांना वेठीस धरणारे शिवाजी महाराजांचे मावळे असू शकत नाही असे वक्तव्य मुख्यमंत्र्यांनी केले होते. या वक्तव्याचा मराठा आंदोलकांमध्ये संताप आहे. दरम्यान मराठा आरक्षण प्रक्रिया पूर्ण केल्या शिवाय पूर्ण होऊ शकत नाही यावर सर्व राजकीय पक्षांचे एकमत झाले आहे.
मराठा आंदोलकांवर दाखल झालेले गुन्हे मागे घेण्यात यावे आणि आरक्षणाचा प्रश्न तातडीने मार्गी लावावा यासाठी हे जेलभरो आंदोलन करणार असल्याचे मराठा आंदोलकांनी सांगितले आहे.

पुणे | मदर्शामध्ये शिक्षण घेणाऱ्या दोन अल्पवयीन मुलांवर मदर्शातीलच मौलवीने लैगिक अत्याचार केल्याचा प्रकार पुण्यामध्ये उघड झाला आहे. मुलांवर लैंगिक अत्याचार करून मुलांनी जर कोणाला सांगितले तर जीवे मारण्याची धमकी मौलवी देत होता. अखेर मुलांनी धाडस करून भारती विद्यापीठ पोलीस चौकीत मौलवी विरोधात फिर्याद दिली. मौलवीला पोलिसांनी अटक केले आहे. सदर प्रकार पुण्यातील कात्रज परिसरात घडला आहे. या मौलवीची शिकार आणखी मुले झाली आहेत का याचा तपास पोलीस करत आहेत. या प्रकारा बद्दल सर्व स्तरातून निंदा केली जात आहे.