कल्याण |रस्त्यांवरील खड्यांमुळे होणार्या अपघातांची संख्या येत्या काही दिवसांत वाढली आहे. रस्त्यात पडलेल्या खड्यांमधे गाडी गेल्याने ताबा सुटून अपघातात अनेक जणांना आपला प्राण गमवावा लागला अाहे. त्यामुलळे ‘रस्त्यावर पडलेले खड्डे दाखवा आणि एक हजार रुपये मिळवा’ अशी घोषणा करणाऱ्या चंद्रकांत दादांना सामान्य माणसे प्रश्न विचारू लागली आहेत. ‘तुम्ही अजून किती जणांचे बळी घेतल्यावर खड्डे बुजवणार आहात’ असा सवाल राज्याचे सार्वजणीक बांधकाम मंत्री चंद्रकांत पाटील याना जनता विचारत आहे.

आज सकाळीच कल्याणच्या गांधारी पुलावर कल्पेश जाधव या तरुणाची गाडी खड्ड्यात घसरली. मागून येणाऱ्या टेम्पोने त्याला चिरडले आहे. या महिन्यात कल्याण परिसरात घडलेली ही तिसरी घटना आहे. वारंवार होणार्या अपघातांमुळे नागरीक त्रस्त झाले आहेत. गेल्या शनिवारी ७ जुलै रोजी मनीषा बोहिर यांची गाडी खड्ड्यात घसरल्याने मागून येणाऱ्या टेम्पोने त्यांच्या देहाला चिरडून टाकले होते. खड्ड्यामुळे अपघात होण्याची प्रकरणे फक्त कल्याण मध्ये घडत नसून राज्याच्या अनेक भागात असे अपघात घडत आहेत. खड्ड्यांमुळे घडणाऱ्या अपघाताची जबाबदारी घेण्यासाठी कोणी तरी नेत्याने पुढे यावे असा सवाल प्रसार माध्यमांनी विचारला आहे.

नागपूर | नानार तेलशुद्धीकरण प्रकल्प कोकणात होऊ नये यासाठी कॉग्रेस,राष्ट्रवादी सहित शिवसेनेने दंड थोपटल्याने भाजपा एकटी पडली आहे. शिवसेना नानार प्रकल्पाच्या विरोधावर ठाम राहीली आहे. नानार प्रकल्पावरुन विधानसभेत प्रचंड गदारोळ होऊन विधानसभेचे कामकाज आज दिवसभरासाठी तहकूब करण्यात आले आहे. नानार प्रकल्पावरुन विधिमंडळाचे कामकाज ठप्प पडण्याचा आज तिसरा दिवस आहे.

‘कुणावर ही अन्याय अथवा बळजबरी केली जाणार नाही. सर्वाना विश्वासात घेतल्यावरच प्रकल्पाचे काम सुरू करण्यात येईल’ असे मुख्यमंत्री देवेंन्द्र फडणवीस यांनी नानार प्रकल्पासंदर्भात विधानसभेत निवेदन दिताना म्हटले आहे. मात्र भाजपचा मित्र पक्ष असलेल्या शिवसेनेने यावेळी नानार प्रकल्पाच्या सरकारच्या भुमिकेला पाठिंबा दिला नाही. शिवसेनेचे नेते अनिल प्रभु यांनी सभागृहात भाजपच्या विरोधात जोरदार भाषण केले. तसेच ‘नानार प्रकल्पाची जमीन अधिग्रहण करण्यात घोटाळा होत आह’ असा सणसणीत आरोप विरोधी पक्षनेते राधाकृष्ण विखे पाटील यांनी यावेळी केला. त्यामुळे सभागृहात एकच गदारोळ माजला. सभागृहात माजलेला गोंधळ पाहता विधानसभेचे अध्यक्ष हरिभाऊ बागडे यांनी विधानसभेचे कामकाज आज दिवसभरासाठी तहकूब केले.

पटना |देशभरात लोकसभा निवडणुकांच्या पुर्वतयारीचे वारे वाहू लागले अाहे. भाजपचे राष्ट्रीय अध्यक्ष अमित शहा सध्या बिहार दौऱ्यावर आहेत. २०१९ च्या निवडणुकांची व्युहरचणा करण्यासाठी शहा दौर्यावर आहेत. दरम्यान शहा यांनी संघटन बांधनीच्या दृष्टीने तयारी करण्याचे आदेश राज्य भाजपला दिले आहेत. नितीश कुमार आणि अमित शहांची आजची भेट यासंदर्भात महत्वपूर्ण ठरली आहे. पटना येथे झालेल्या बैठकीत भाजप आणि जदयु यांच्यात युतीची रणनिती ठरवण्याबद्दल विस्तृत चर्चा झाली आहे. परंतु अद्याप कोणाला किती जागा मिळणार हे स्पष्ट करण्यात आलेले नाही. यावेळी वाटाघाटीच्या बर्याच गोष्टी गुलदस्त्यात ठेवण्यात आल्या आहेत. ‘भ्रष्टाचारी लोकांच्या सोबत नितीश बाबू राहू शकत नव्हते म्हणून ते आमच्या सोबत आले आहेत’ असे सुचक विधान यावेही अमित शहा यांनी केले आहे. तसेच ‘भाजपला छोट्या पक्षाना सोबत घेऊन जायचं समजत. तेव्हा कृपया विरोधकांनी नितीशकुमारांच्यासाठी लाळ घोटने सोडून द्यावे’ असे म्हणुन शहा यांनी विरोधकांच्यावर तोंड सुख घेतले आहे.