मुंबई : सैराटच्या अभुतपूर्व यशानंतर सिनेदिग्दर्शक नागराज मंजुळे यांच्या ‘झुंड’ या बाॅलिवुड चित्रपटाची सर्वांनाच आस लागली आहे. झुंड या चित्रपटामधे बिग बी म्हणजेच अमिताभ बच्चन यांची मुख्य भुमिका असणार आहे असे नागराज यांनी मागील वर्षीच जाहीर केले होते. नागराजच्या या नव्या कलाकृतीविषयी सिनेसृष्टीमधे जोरदार चर्चा सुरु असताना आणि शुटिंग सुरु होण्याचे काम उंबरठ्यावर आलेले असताना बिग बि यांनी झुंड हा चित्रपट सोडला असल्याचे बोलले जात आहे. अमिताभ बच्चन यांनी मागील वर्षी झुंड या चित्रपटासाठी काम करण्यास होकार दर्शवला होता. परंतु चित्रपटाच्या चित्रीकरणाचे काम दिवसेंदिवस पुढे ढकलले जात असल्याने इतर चित्रपटांना वेळ देता येत नसल्याचे सांगून बच्चन यांनी झुंड चित्रपटाकडे पाठ फिरवली आहे. झुंड बाबत काॅपिराईटशी संबंधीत काही समस्या असल्याचे बोलले जात आहे. ‘थग्ज आॅफ हिंदुस्तान’ या चित्रपटाचे चित्रिकरण आटोपल्यानंतर फेब्रुवारीमधे झुंडचे चित्रिकरण सुरु होईल अशी बच्चन यांना अपेक्षा होती. झुंडमधे अमिताभ स्पोर्ट शिक्षकाच्या भुमिकेत दिसणार होते. १०२ नाॅट आऊट व ब्रह्मास्त्र या चित्रपटांमधे सध्या अभिताभ व्यस्त आहे. बच्चन यांची तब्बेतही वयोमानानुसार पुर्वीप्रमाणे साथ देत नसल्याने डाॅक्टरांनी त्यांना विश्रांती घेण्याचा सल्ला दिला आहे.

मुंबई : शहरातील वाहतुक कोंडीचा सामना करता यावा व रुग्नांना जलद रुग्नवाहीकेची सेवा पुरवता यावी याकरिता मुंबईस्थित सामाजिक संस्थेने पुढाकार घेतला आहे. लोढा फौन्डेशन या संस्थेने मुंबई येथील एका कार्यक्रमामधे नुकतेच दुचाकी रुग्णवाहीकेचे अनावरन केले. शहरातील रुंद रस्त्यांवरील वाहनांच्या रहदारीतून निकडीच्या प्रसंगी जलदगतीने मार्ग काढता यावा यासाठी या विशेष दुचाकी रुग्नवाहीकेची निर्मिती करण्यात आली आहे. या दुचाकी रुग्नवाहिकेची निर्मिती करत असताना संबंधितांनी रुग्नांचा विचार करुन गाडीमधेच स्ट्रेचर व प्रथमउपचार पेटीची व्यवस्था केली आहे. तसेच गरज पडल्यास आॅक्सिजन गॅसची सोयसुद्धा करण्यात आली आहे. लोढा फौन्डेशनच्या सहकार्याने बनवण्यात आलेली ही विशेष बांधणीची दुचाकी रुग्नवाहीका २૪×७ नागरीकांच्या सेवेसाठी उबलब्ध असेल असे कार्यक्रमावेळी लोढा फौन्डेशन संस्थेच्या पदाधिकार्यांनी जाहीर केले.

अहमदनगर : शिवसेनेच्या शहरप्रमुखांच्या हत्येचे प्रकरण ताजे असतानाच आता राष्ट्रवादी काँग्रेस पक्षाच्या दोन तरुण कार्यकर्त्यांची जामखेड येथे गोळ्या झाडून हत्या करण्यात आली आहे. अज्ञात इसमांनी केलेल्या गोळीबारामधे राष्ट्रवादी युवक काँग्रेसचे जिल्हा उपाध्यक्ष योगेश राळेभात (वय ३०) व राकेश राळेभात यांचा जागीच मृत्यु झाला आहे. बीड रस्त्यावरील वामन ट्रेडर्स समोर २८ एप्रिल रोजी संध्याकाली ६ च्या दरम्यान दुचाकीवरुन आलेल्या अज्ञातांनी पिस्तुलीतून योगेश व राकेश यांच्यावर गोळ्या झाडल्या. रक्तबंवाळ अवस्थेत पडलेल्या त्यांना उपस्थित असलेल्या ग्रामस्थांनी तातडीने जिल्हा रुग्नालयात उपचारासाठी हलवले परंतू डाॅक्टरांनी त्यांना मृत घोषीत केले. घटनेची माहिती मिळताच पालकमंत्री राम शिंदे यांनी जिल्हा रुग्नालयात धाव घेतली. एकाच महिण्यात नगरमधे दुसर्यांदा गोळीबाराची घटना झाल्याने कायदा व सुव्यवस्थेचा प्रश्न एरणीवर आला असून जिल्ह्यात सध्या तणावाचे वातावरण निर्माण झाले आहे.

गडचिरोली : पोलिसांसोबत झालेल्या चकमकीनंतर स्वत:चा जीव वाचवण्याकरिता नक्षलवाद्यांनी चक्क पेरमिली येथील सरकारी आश्रमशाळेचा आश्रय घेतला असल्याचे तपासातून समोर आले अाहे. दिनांक २२ एप्रिल रोजी अहेरी तालुक्यातील बोरियाच्या जंगल परिसरात पोलिस आणि नक्षलवादी यांच्यात चकमक होवून २२ मोवोवादी ठार झाले. यावेळी बचावलेले मावोवादी अंधाराचा फायदा घेत जंगलात पसार झाले होते. चकमकीनंतर नक्षलविरोधी पथकाने बोरिया जंगल परिसरात शोधमोहीम केली. यादरम्यान सोमवारी पुन्हा पोलिस आणि नक्षलवादी यांच्यात चकमक होवून ६ नक्षली ठार झाले. पोलिसांच्या तावडीतून जीव वाचवण्यासाठी चकमकीतून बचावलेल्या नक्षलवाद्यांनी चक्क सरकारी आश्रमशाळेचा आश्रय घेतल्याचे उघड झाले आहे.

नक्षलवाद्यांनी मुक्काम केलेल्या शाळेपासून अवघ्या काही पावलांवर पोलिस चौकी असूनसुद्दा पोलिसांना नक्षलींचा मागमूस न लागल्याने आश्चर्य व्यक्त केले जात आहे. नक्षलवाद्यांच्या धाकाने घाबरलेल्या शिक्षकांनी त्या रात्री नक्षल्यांसाठी जेवणही बनवून दिल्याचे चौकशीत समोर आले आहे. विशेष म्हणजे रविवारच्या चकमकीमधे ठार झालेला पेरमिली दलम कमांडर साईनाथ व सोमवारच्या चकमकीमधे ठार झालेला अहेरी दलम कमांडर वासुदेव हे दोघेही याच माध्यमिक आश्रमशाळेत शिकले आहेत. पोलिसांना नक्षलींच्या हालचालींची माहीती मिळाली असती तर तिसरी चकमक होवून मृतांचा आकडा वाढण्याची शक्यता होती.

दिल्ली : केंन्द्रीय लोकसेवा आयोग ( यु.पी.एस.सी.) परिक्षेचा अंतिम निकाल शुक्रवारी जाहीर झाला. उस्मनाबादच्या गिरिश बडोले या विद्यार्थ्याने महाराष्ट्रात प्रथम तर देशात विसावा क्रमांक पटकावला आहे. महाराष्ट्रातील एकूण १६ विद्यार्थी पहिल्या १०० मधे आले आहेत. हैदराबादचा अनुदीप दुरीशेट्टी देशात प्रथम आला आहे. नागपूरमधून MBA चे शिक्षण घेतलेली अनु कुमारी महिलांमधे देशात प्रथम आली आहे.

शेतकर्याचा मुलगा राज्यात प्रथम
महाराष्ट्रात प्रथम आलेल्या गिरिश बडोलेचे वडील शेतकरी असून त्याचे माध्यमिक शिक्षण तुळजापूर येथील सैनिक महाविद्यालयात झाले आहे. लातुर येथील दयानंद काॅलेजमधे उच्च माध्यमिल शिक्षण घेतल्यानंतर गिरिशने मुंबईच्या जे. जे. मेडीकल काॅलेजमधून MBBS ची पदवी घेतली आहे.

पहिल्या शंभरमधे महाराष्ट्रातील ९ जण
महाराष्ट्रातील विद्यार्थ्यांनी यु.पी.एस.सी. परिक्षेत चांगले यश मिळवले आहे. ९९० यशश्वीतांच्या यादीमधे महाराष्ट्रतील एकून १६ परिक्षार्थी यशश्वी झाले असून ९ जण पहील्या १०० मधे आले आहेत. दिग्विजय बोडके (५४), सुयश चव्हाण (५६), भुवनेश पाटील (५९), पियुष साळुंखे (६३), रोहन जोशी (६७), राहुल शिंदे (९५), मयुर काटवटे (९६), वैदेही खरे (९९), वल्लरी गायकवाड (१३१), यतिश विजयराव देशमुख (१५९),रोहन बापूराव घुगे (२४९), श्रीनिवास वेंकटराव पाटील (२७५), प्रतिक पाटील (३६६), विक्रांत सहदेव मोरे (४३०), तेजस नंदलाल पवार (४३६) आदी परिक्षार्थी यशश्वी झाले आहेत.