आज महाराष्ट्र विधान परिषदेचे सभापती ना.रामराजे नाईक निंबाळकर यांना ऐकण्याचा योग्य आला. निमित्त होत प्रा.रामकृष्ण मोरे यांच्या नावे दिली जाणारा जीवन गौरव पुरस्कार रामराजेंना मिळाला. त्या पुरस्कार वितरण समारंभात रामराजे बोलत होते. आयुष्यभर त्यांनी कृष्णेच्या पाण्यासाठी केलेल्या संघर्षाची गाथा त्यांनी सांगितली त्यातून एक लक्षात आलं की हा माणूस खरा तरमळीचा आहे. ढोंगी बेगडी वगैरे नाही.तसेच त्यांच्या स्वभावातील कौतुकाची आणि नवलाची बाब मला ही वाटली की लोकशाहीत ही राजेशाहीची मस्ती असलेले खानदानी राजे देशात कमी नाहीत परंतु रामराजेंच्या सारखा राजघरण्यातून आलेला प्रचंड श्रीमंत माणूस परंतु तो एवढा जमीनीवर असू शकतो हे अलौकीकच!

त्यांनी फक्त स्वतःच्या जीवनातील संघर्षच व्यक्त नकरता देश प्रश्नाला हात घातले देशातील विषमता,गरिबी,भूकमरी यावर बोलणारे रामराजे देशाचे आजोबा गहीवरत असल्या सारखे भासले. त्यांनी त्यांच्या कॉलेज जीवनातील किस्से सांगितले. शा.म.मुजुमदार त्यांना वनस्पतीशास्त्र शिकवत असत. त्यांना सांजवेळी फर्ग्युसनच्या मागच्या टेकडीवर विद्यार्थ्यांशी गप्पा मारत बसण्यास खूप आवडतं असे. असेच एक दिवशी टेकडीवर बसले असताना रामराजेंनी मुजुमदार सरांना शिक्षण संस्था स्थापण्याचा विचार मांडला, मुजुमदार सरांनी तो सकारात्मक घेतला आणि आज आपण सिम्बॉइसेस आंतरराष्ट्रीय विद्यापीठ जे पाहतो त्याची बीजे थेट रामराजेंच्या विद्यार्थी दशेत आहेत.

राजराजेंनी आणखी एक दिलखुलास किस्सा सांगितला तो म्हणजे खा.वंदनाताई चव्हाण यांच्या वडिलांच्या हाताखाली त्यांनी पुणे सत्र न्यायालयात वकिली केल्याचा. रामराजेंनी फौजदारी खटल्याची वकिली केल्याचे सांगितले तसेच त्यांनी फौजदारीची सर्व कलमे तोंड पाठ असल्याचे सांगितले. पुढे त्यांनी सिम्बॉइसेस विद्यापीठात विधी विभागात प्राध्यापकी केल्याचेही सांगितले. कायदा अभ्यासून न्यायालयात युक्तीवाद मांडणे एक अंग असते.कायदा शिकवणे दुसरे अंग असते. आमदार म्हणून कायदा करणे तिसरे अंग असते.सभापती म्हणून कायदा राभवणे हे चौथे अंग असते.या सर्व भूमिकेतून गेल्याचा आपणास अभिमान असल्याचे त्यांनी सांगितले.

रामराजेंनी फलटणच्या प्रियदर्शनी महाविद्यालयात ५वर्ष प्राचार्य म्हणून काम पाहिले. रामराजे १९९१ साली राजकारणात आले. फलटणच्या नगराध्यक्ष पदापासून सुरू झालेला हा प्रवास मंत्रिपद मार्गे विधान परिषदेच्या सभापती पदापर्यंत येऊन पोहचला आहे. रामराजेंनी देशस्थितीचा ठोकताळा घेत कृष्णा स्थिरीकरणाचा प्रश्न पोटतिडकीने मांडला. महाराष्ट्र जास्तीत जास्त सिंचित झालेला बघणं मला स्वर्गासारखं वाटेल अस ते ह्रदयाच्या तरमळीपासून म्हणाले.

पश्चिम महाराष्ट्रात संपन्नता आली यामागे इथल्या सामान्य जणांचे कष्ट आणि त्याला लोकप्रतिनिधींनी दिलेली जोड आहे हे त्यांनी सांगितले.पुढे ते म्हणाले,”पश्चिम महाराष्ट्रतील सुबत्ता ही इथल्या कसदार लोकप्रतिनिधीची देणं आहे. मला विश्वास आहे प.महाराष्ट्रात पुढील पिढीत ही कसदार लोकप्रतिनिधी सर्वच पक्षातून निर्माण होतील. “खर तर हे वाक्य म्हणजे पश्चिम महाराष्ट्रातून राजकारणात जाऊ इच्छिणाऱ्या तरुणांना उत्तेजन देणारच होत.

भारतीय लोकशाहीवर ही त्यांनी खूप मौलिक भाष्य केले.तीन पिढ्यांनी ही लोकशाही टिकवून ठेवली आहे त्या पिढीची शक्ती खूप मोठी आहे. “लोकशाहीचा फायदा घेऊन श्रीमंत झालेले मतदानापासून दूर गेले परंतु ज्यांनी हयात गरिबीत घालवली ते मात्र मतदानात हिरहिरीने सहभागी होतात,हा गरिबांचा मोठेपणा आहे.” असे लोकशाहीचे वास्तव टिपत त्यांनी खूप सूचक विधान केले “जास्त विषमता असलेल्या देशात लोकशाही टिकू शकत नाही परंतु भारतात ती टिकली हा इथल्या लोकांचा मोठेपणा आहे.” भारतात मतदानाच्या वेळी लष्कर बोलावलं जाण्याची फार नगण्य उदाहरणे आहेत ही भारतीयांच्या रक्तातील ‘सहिष्णुता’आहे. त्या उदारतेच्या बळावरच भारतीय लोकशाही टिकून असल्याचं ते बोलले.टिळक गोखल्यांच्या ‘सुधारणा की स्वातंत्र्य’ या वादापासून आजही भारतीयांना सुटका मिळालेली नाही आज ही तोच वाद जिवंत आहे सुधारणा की स्वातंत्र्य.आशा शब्दांत त्यांनी लोकशाहीचे चित्र स्पष्ट केले. भ्रष्ट नेत्याबद्दल बोलताना त्यांनी मतदारांना जागरूक करणारे भाष्य केले.भ्रष्ट नेत्यांना तुम्हीच निवडून देता आणि तुम्हीच त्यांना शिव्या देता. “लोकशाहीच्या मंदिराचा नेता कळस असला तरी पाया ही सामान्य जनता आहे तो मजबूत करण्याची जबाबदारी तुम्हा सर्वांची आहे.” असे ते म्हणाले. शेवटी त्यांनी आगामी राजकीय पिढीबद्दल विश्वास आणि आशावाद व्यक्त केला आणि पुरस्काराच्या संयोजकांना सांगितले की आम्हा म्हातारांना पुरस्कार देण्यापेक्षा राजकारत हिरहिरीने लोकांची कामे करणाऱ्या तरुणांना पुढच्या वर्षीपासून पुरस्कार द्या कारण त्यांच्या खांद्यावर उद्याच्या भारताची धुरा आहे. पुरस्कारात मिळालेली २५हजारांची रक्कम एका गरीब विद्यार्थ्यास देण्याचे घोषित करून त्यांनी वाणीस विराम दिला आणि कार्यक्रम संपताच त्या विद्यार्थ्यास ती रक्कम सुपूर्द केली. रामराजेंच्या आजच्या निपक्ष भाषणाने मी मंत्रमुग्ध झालो आहे म्हणून हा एवढा वृत्तात शब्दांकित करण्याचा अट्टहास केला.रामराजेंच्या सारखे सभापती महाराष्ट्र राज्याच्या वरिष्ठ सभागृहास लाभले आहेत हे महाराष्ट्राचे भाग्य आहे.

सुरज शेंडगे

टीम, HELLO महाराष्ट्र : व्हाॅट्सअॅपची सध्या सोशल मिडीयावर चांगलीच क्रेझ आहे. संदेशवहनासाठी व्हाॅट्सअॅपचा वापर करणार्यांच्या संख्येत अलीकडील काही काळात मोठ्या प्रमाणात वाढ झाली आहे. एका क्लिकवर हवे तेवढे मेसेजेस हव्या तेवढ्या लोकांना पाठवणे व्हाॅट्सअॅपमुळे सहजशक्य झाले आहे. परिणामी खोट्या अफवा पसरवणार्या संदेशांचा व्हाॅट्सअॅपवरती धुमाकूळ माजला आहे. व्हाॅट्सअॅपने आपली विश्वासार्हता शाबूत ठेवण्यासाठी नवीन फिचर लाॅच केले आहे. या नवीन फिचरनुसार आता फोरवर्डेड मेसेजेस ओळखता येणार आहेत. इतरांकडून आलेले मेसेजेस पुढे पाठवताना आता मेसेजच्या वरती फोरवर्डेड असा टेग दिसणार आहे. या फिचरमुळे फेक माहीती वायरल होण्यावर थोड्याबहूत प्रमाणामधे लगाम लागेल असे बोलले जात आहे. सध्या हे फिचर बेटा वर्जन करिता उपलब्ध असून लवकरच ते सर्वासाठी खुले करण्यात येईल असे कंपनीने जाहीर केले आहे.

पंढरपूर : एसटी कर्मचा-यांनी मध्यरात्रीपासून पुकारलेल्या संपामुळे लाखो प्रवाशांचे हाल झाले आहेत.
पगारवाढीसह इतर विविध मागण्यांसाठी गुरूवारी मध्यरात्रीपासून एसटी कर्मचा-यांनी संपाची हाक दिली. त्यांच्या आवाहनाला प्रतिसाद देत कर्मचा-यांच्या तेरा संघटनांनी काम बंद आंदोलन सुरू केले आहे. मागे ऐन दिवाळीत एसटीने मोठा संप केला होता. न्यायालयाने या संपात हस्तक्षेप करत एसटी कर्मचा-यांना दिलासा देण्याचा प्रयत्न केला. मात्र परिवहन मंत्री आणि महामंडळ प्रशासनाकडून कर्मचा-यांच्या मागणीला योग्य तो प्रतिसाद न मिळाल्याने कर्मचारी वर्गात असंतोष पसरला होता. त्यातूनच या संपाची तयारी केली गेली. सध्या सुट्ट्यांचा हंगाम चालू असल्याने विविध पर्यटनस्थळांवर आणि तिर्थस्थळांना गेलेल्या लाखो लोकांचे या संपाने अतोनात हाल होताना दिसतात.
पंढरपूरात दर्शनासाठी आलेले तब्बल एक लाख भाविक एसटीअभावी बसस्थानकात आणि रेल्वेस्थानकावर ताटकळत बसले आहेत. या संपाचा गैरफायदा घेत खाजगी वाहनचालक प्रवाशाकडून अव्वाच्या सव्वा भाडे आकारत आहेत. सरकारने कर्मचा-यांच्या मागण्या लवकरात लवकर मान्य करून हा तिढा सोडवावा अशा भावना अनेकांनी व्यक्त केल्या.

गोपाळ देवकत्ते

मुंबई : अमित शहा आणि उद्धव ठाकरे यांच्या मातोश्रीवरील २ तासांच्या भेटीनंतर राजकीय वर्तळात चर्चेला चांगलेच उधान आले होते. दोन पक्षांमधील ताण कमी होऊन युती कायम राहील अशी शक्यता वर्तवण्यात येत होती. परंतु अमित शहांचे धोरण आम्हाला माहीती आहे. शिवसेनेने भावी निवडणुका स्वबळावर लढवण्याचा ठराव सहमत केला असून आम्ही आमच्या निर्णयावर ठाम आहोत. येणार्या काळातील सर्व निवडणुका शिवसेना स्वबळावरच लढवेल असे मत सेनेचे प्रवक्ते संजय राऊत यांनी व्यक्त केले. शिवसेनेने सहमत केलेल्या ठरावामधे काहीही बदल केला जाणार नाही असेही त्यांनी स्पष्ट केले.

मुंबई: भाजपा अध्यक्ष अमित शहा आणि शिवसेना पक्षप्रमुख उद्धव ठाकरें यांची बहुचर्चीत आणि बहुप्रतिक्षीत अशी भेट अखेर मातोश्रीवर संपन्न झाली. अमित शहा आणि उद्धव ठाकरे यांच्यामधे बंद दाराआड दोन तास चर्चा रंगली होती. या प्रदिर्घ चर्चेमधे नक्की कोणता विषय चर्चिला गेला हे अद्याप स्पष्ट झालेले नाही. दोन पक्षांमधील अंतर्गत ताण मातोश्रीवरील चर्चेमुळे कमी झाला असल्याचे बोलले जात आहे. नुकत्याच झालेल्या पोटनिवडणुकांमध्ये भाजपाला राज्यात पत्करावा लागलेला पराभव, देशभरात विरोधकांची होत असलेली एकजूट आणि शिवसेनेनं दिलेला एकला चलो रे हा नारा, या अशा पार्श्वभूमीवर ही भेट अतिशय महत्त्वपूर्ण मानली जात आहे. २०१९ च्या लोकसभा निवडणुकीत शिवसेना आणि भाजपाची युती होणार की नाही?, दोन पक्षांमध्ये निर्माण झालेली दरी मिटवण्यात अमित शहांना यश येणार का?, याची चर्चा या भेटीच्या निमित्तानं राजकीय वर्तुळात सुरू आहे. येणार्या काळात अमित शहा आणि उद्धव ठाकरे यांच्यामधे अजुन २ ते ३ भेटी होण्याच्या शक्यता आहेत.

टीम HELLO महाराष्ट्र : ‘रिपोर्टर्स विदाउट बोर्डर्स’ या संस्थेने केलेल्या पाहणी अहवालातून माध्यम स्वातंत्र्याच्या बाबतीत भारत जगात १३८ व्या क्रमांकावर असल्याचे समोर आले आहे. जगभरातील इतर लोकशाही राष्ट्रांच्या तुलनेत भारताचे माध्यम स्वातंत्र्याच्या बाबतीमधील स्थान खुपच खाली घसरले असल्याने चिंता व्यक्त केली जात आहे. लोकशाहीचा चौथा स्तंभ मानल्या जाणार्या माध्यमांच्या स्वातंत्र्यावर यानिमित्ताने पुन्हा एकदा प्रश्नचिन्ह निर्माण झाले आहे. सन २०१७ साली प्रकाशित झालेल्या यादीमधे भारत १३६ व्या स्थानावर होता. २०१८ सालच्या अहवालानुसार भारत दोन स्थानांनी घसरला आहे. यावर्षीच्या अहवालानुसार नोर्वे जगात प्रथम क्रमांकावर असून त्याखालोखाल स्विडनचा क्रमांल आहे. माध्यम स्वातंत्र्याबाबत जाहीर केल्या जाणार्या या अहवालात पाकीस्तानचा क्रमांक भारताच्या खालोखाल म्हणजेच १३९ वा आहे तर चीन १७६ व्या क्रमांकावर आहे. बांग्लादेशचा क्रमांक १૪६ वा असून उत्तर कोरियाचा सर्वात शेवटचा १८० वा क्रमांक आहे. रिपोर्टर्स विदाउट बोर्डर्स ही संस्था सन २००२ पासून सातत्याने “प्रेस फ्रिडम रिपोर्ट” प्रकाशित करते. माध्यमांमधील विविधता आणि माध्यमांवरील सरकारचे वर्चस्व तसेच वेगवेगळ्या राष्ट्रांत पत्रकारांना दिली जाणारी वागणूक इत्यादी गोष्टींचा अभ्यास करुन त्यावरुन हा अहवाल बनवण्यात येतो. या वर्षीच्या अहवालात भारताचे जागतिक स्तरावरील स्थान घसरण्याला गौरी लंकेश यांच्या हत्येची पार्श्वभूमी असल्याचे बोलले जात आहे.