नरेंद्र मोदी Live | अब बचना भी हैं, और आगे भी बढना हैं

हॅलो महाराष्ट्र ऑनलाईन | पंतप्रधान नरेंद्र मोदी यांनी लॉकडाऊन संदर्भात देशवासीयांशी संवाद साधला. देशातील विविध राज्यांच्या मुख्यमंत्र्यांशी केलेल्या चर्चेनंतर नरेंद्र मोदी यांनी तिसऱ्या लॉकडाऊनच्या मध्यात देशवासीयांशी हा संवाद साधला. कोरोना संक्रमणाशी लढताना जगभराने मागील ४ महिने लढा दिला असून जगभरात ४२ लाख लोकांना याचा संसर्ग झाला, ज्यामध्ये पावणेतीन लाख लोकांचा मृत्यू झाला. भारतातही यामुळे बऱ्याच लोकांचा मृत्यू झाला असून त्या सर्वांप्रति मी श्रद्धांजली व्यक्त करतो असं मोदी म्हणाले.

एका व्हायरसने संपूर्ण जगाला वेठीस धरलं असून अशा प्रकारच्या आपत्तीतून आपण कधीच गेलो नसल्याचं मोदी म्हणाले. हा प्रसंग अवघड असला तरी त्यातून खचून न जाता आपल्याला लढावं लागेल आणि पुढंसुद्धा जावं लागेल असं नरेंद्र मोदी पुढं बोलताना म्हणाले.