सातारा प्रतिनिधी । सकलेन मुलाणी
देशातील कोरोनाचा वाढता प्रादुर्भाव लक्षात घेऊन पंतप्रधान मोदींनी लॉकडाऊन १७ मे पर्यंत वाढवण्याचा निर्णय घेतला. राज्यातील कोरोनाबाधितांची संख्याही आता २३ हजार पार गेली आहे. यापार्श्वभूमीवर कंटेनमेंट झोन वगळता इतर भागांत लॉकडाऊन मध्ये थोड्याबहुत प्रमाणात शिथिलता आणण्यात आली असली तरी मास्क घालणे बंधनकारक करण्यात आले आहे. असे असतानाही सातारा जिल्ह्यातील म्हसवड येथे मास्क का घातलेला नाही असं विचारणाऱ्या पोलीस कर्मचाऱ्याला नागरसेवकाकडून धक्काबुक्की झाल्याचा प्रकार घडला आहे.
हाती आलेल्या माहितीनुसार, म्हसवड येथील नगरसेवक अखिल काझी हे मास्क न खालता बाहेर रस्त्यावरून फिरत होते. पेट्रोलिंगवर असणाऱ्या पोलीस कर्मचाऱ्यांच्या सदर बाब लक्षात आल्यावर त्यांनी नगरसेवक काझी यांस मास्क का घातलेला नाही असे विचारात मास्क लावण्यास सांगितले. मात्र यावर काझी यांनी पोलीस कर्मचाऱ्याला धक्काबुक्की केली. या घटनेचा व्हिडीओ सध्या सोशल मीडियावर व्हायरल झाला असून आता या नगरसेविका विरोधात कारवाई होणार का असा प्रश्न विचारला जात आहे.
कोरोनामुळे सतार जिल्ह्यात भीतीचे वातावरण असताना एका बाजूला प्रशासन योग्य ती खबरदारी घेताना दिसत आहे. मात्र लोकप्रतिनिधींकडूनच अशा प्रकारे बेजबाबदारपणाची वागणूक होत असेल तर हे चिंताजनक आहे. तोंडाला मास्क न वापरणाऱ्यावरन नगरसेवकाला कारवाई म्हणून 500 रुपयांच्या दंड ठोठावण्यात आला आहे. मास्क बांधने बंधनकारक असून हाच नियम मोडून म्हसवड पालिकेचे नगरसेवक काझी आणि पोलीस उपनिरीक्षक कदम यांच्यात शाब्दिक चकमक उडाली, दोघांकडून एकमेकांना धक्काबुक्की देखील करण्यात आल्याचे व्हायरल व्हिडिओमधून दिसत आहे.