रामपूर : वृत्तसंस्था – रामपूरच्या एका शेतकऱ्याने उत्पन्न वाढवण्यासाठी चंदनाची (Sandalwood) शेती सुरू केली आहे. त्यामुळे आता यूपीच्या शेतात चंदनाचा (Sandalwood) सुगंध दरवळणार आहे. यासोबतच तो आता इतर शेतकऱ्यांनाही चंदन लागवडीसाठी प्रवृत्त करणार आहे. रमेश कुमार असे या शेतकऱ्याचे नाव आहे. रमेश कुमार यांना तीन भाऊ आहेत. रमेश कुमार यांचे दोन भाऊ गावात राहतात आणि शेती करतात. रमेश कुमार मुलांच्या अभ्यासानिमित्त शहरात आला होता. सुमारे 12 वर्षांपूर्वी वडिलांचे निधन झाल्यानंतर त्यांच्या वाट्याला 27 बिघे जमीन आली. ज्यावर त्यांचे भाऊ शेती करायचे. यानंतर त्यांनी पर्यायी शेती म्हणून औषधी शेती करण्याचा निर्णय घेतला. त्यांनी माहिती गोळा केली, त्यानंतर चंदनाच्या (Sandalwood) लागवडीची माहिती मिळाली. त्यानंतर चंदन लागवडीचे संपूर्ण ज्ञान आणि प्रशिक्षण घेण्यासाठी ते बंगळुरूला गेले. जिथे भारतीय वुड सायन्स टेक्नॉलॉजीची संपूर्ण माहिती मिळाली. यानंतर ते मे महिन्यात बियाणे घेऊन रामपूरला आले. त्यानंतर त्यांनी सरकारची परवानगी घेऊन चंदनाची शेती करण्यास सुरुवात केली.
सरकारने घातली हि अट
चंदनाची झाडे तयार झाल्यानंतर सरकारच त्यांची खरेदी करून स्वत: निर्यात करेल, या अटीसह सरकारने शेतकऱ्यांना चंदनाची लागवड करण्यास परवानगी दिली आहे. ही माहिती मिळाल्यानंतर त्यांनी चंदनाची लागवड करण्याचा निर्णय घेतला.
चंदनाची लागवड कुठे करता येते
मुळात चंदनाचे (Sandalwood) दोन प्रकार आहेत. ज्यामध्ये लाल चंदन आणि पांढरे चंदन समाविष्ट आहे. दक्षिण भारतातील राज्यांमध्ये लाल चंदनाची लागवड केली जाते, तर उत्तर प्रदेशात पांढरे चंदन पिकवले जाते.
चंदनाची लागवड केव्हा, कशी आणि का करावी?
शेतकरी रमेश कुमार सांगतात की सन 2017 पर्यंत चंदनाच्या लागवडीवर बंदी होती. पण, आता कोणताही शेतकरी चंदनाची (Sandalwood) लागवड करू शकतो. एका झाडापासून शेतकरी दोन ते तीन लाख रुपयांपर्यंत कमाई करू शकतात. एका एकरात सुमारे 400 ते 500 रोपे लावता येतात. चंदनाची लागवड करण्यासाठी काही गोष्टींची विशेष काळजी घ्यावी लागते. उत्तर भारतात पांढर्‍या चंदनाची सर्वाधिक लागवड केली जाते.
चंदनाच्या झाडाला किती पाणी लागते?
शेतकरी रमेश कुमार यांच्या मते, चंदनाच्या (Sandalwood) झाडाला जास्त पाणी लागत नाही. अशा परिस्थितीत ते लावताना हे लक्षात ठेवा की ते अशा ठिकाणी ठेवू नका जेथे भरपूर पाणी भरले आहे. विशेषतः सखल भागात लागवड करू नका, जेथे पाणी भरलेले आहे.
रोपाची किंमत काय?
चंदनाचे (Sandalwood) रोप 200 ते 400 रुपयांना शेतकऱ्यांना मिळते. त्याची किंमतही झाडांच्या संख्येवर अवलंबून असते. याशिवाय त्याच्याशी जोडलेल्या होस्ट प्लांटची किंमत सुमारे 50 ते 60 रुपये असते.
चंदनाची किंमत?
शेतकरी रमेश कुमार यांच्या मते, चंदनाचे (Sandalwood) लाकूड हे सर्वात महागडे लाकूड मानले जाते. त्याचा बाजारभाव 25 हजार ते 30 हजार रुपये प्रति किलो इतका आहे. एका झाडापासून शेतकऱ्याला 25 ते 40 किलो लाकूड सहज मिळते. अशा परिस्थितीत एका झाडापासून तो सहज पाच ते सहा लाख रुपये कमवू शकतात.
कुठे वापरले जाते चंदन?
चंदनाचा (Sandalwood)वापर परफ्यूममध्ये सर्वाधिक होतो. आयुर्वेदात चंदनाचा वापर केला जातो. हे द्रव म्हणून देखील तयार केले जाते. याशिवाय ब्युटी प्रोडक्ट्समध्येही याचा वापर केला जातो.
हे पण वाचा :
DJ च्या गाडीवर अचानक पसरला करंट; नाचता नाचता तरुणांची झाली भयंकर अवस्था
पुणे बेंगलोर राष्ट्रीय महामार्गावर मोठा अपघात; शिवशाही बस पलटी होऊन खड्ड्यात
Jasprit Bumrah आशिया चषक स्पर्धेला मुकणार ? समोर आलं ‘हे’ मोठं कारण
सपाच्या जिल्हा अध्यक्षांच्या गाडीला अपघात थोडक्यात बचावले, थरारक Video आला समोर
भाजप प्रदेशाध्यक्षपदी आशिष शेलारांच्या नावाची चर्चा?? तर चंद्रकांत पाटलांना…