नवी मुंबई | अमित शहांचा एकेरी उल्लेख करत मनसे अध्यक्ष राज ठाकरें यांनी भाजप चे राष्ट्रीय अध्यक्ष अमित शहा यांच्यावर चौफेर टीका केली आहे. शहांच्या तोंडावर नेहमी अहंकार दिसतो. मोदींच्या छत्रछायेत शहा यांना राष्ट्रीय अध्यक्ष पद मिळाले. या माणसाचे वैयक्तिक कर्तृत्व काय? असा सवाल राज ठाकरेंनी यावेळी उपस्थित केला आहे. भाजपच्या राष्ट्रीय अध्यक्ष पदी अटल बिहारी वाचपेयी, लालकृष्ण अडवाणी यांच्या सारखी माणसे बसली. आता त्या ठिकाणी अमित शहा सारखा भ्रष्ट माणूस बसला आहे. ही भाजपाला आत्मपरीक्षण करायला लावणारी बाब आहे. ज्या अमित शहांच्या मुलाच्या कंपनीत काळ्याच पांढर केलं जाते त्या व्यक्तीला अटलजी अडवाणींच्या ओळीत बघायचं का? असा सणसणीत टोला राज ठाकरे यांनी आज मुंबईत बोलताना लगावला. नवी मुंबईच्या महानगरपालिका कामगार नवनिर्माण सेनेच्या कामगार मेळाव्यात राज ठाकरे बोलत होते.
कोण आहे हा अमित शहा – राज ठाकरे
