नवी दिल्ली । भारताच्या बँकिंग नियामक भारतीय रिझर्व्ह बँक (RBI) ने देशातील डिजिटल पेमेंटसना बळकटी आणि संरक्षण देण्यासाठी नवीन नियम जारी केला आहे. ऑनलाईन फसवणूकीच्या वाढत्या घटनांमुळे आरबीआयने हे पाऊल उचलले आहे. रिझर्व्ह बँकेने गुरुवारी डिजिटल पेमेंटची सुरक्षितता सुनिश्चित करण्यासाठी बँक आणि कार्ड जारी करणार्‍या संस्थांना मुख्य निर्देश जारी केले.
मास्टर डायरेक्शनमध्ये इंटरनेट बँकिंग सुविधा, मोबाइल बँकिंग पेमेंट्स, कार्ड पेमेंट्स, ग्राहकांचे हित जपणे आणि तक्रार हाताळणे यांचा समावेश आहे. मास्टर डायरेक्शन शेड्यूल्ड कमर्शियल बँक, स्मॉल फायनान्स बँक, पेमेंट बँक आणि एनबीएफसी जारी करणार्‍या क्रेडिट कार्डवर लागू असतील.
RBI ने 6 महिन्यांचा अवधी दिला
आरबीआयने पेमेंट सिक्युरिटीचे नियम कठोर केले आहेत. आरबीआयच्या नवीन 21-पानांच्या मास्टर डायरेक्शन नुसार आता डिजिटल व्यवहारासाठी थर्ड पार्टी अ‍ॅप्स वापरणार्‍या बँकांना अ‍ॅप्स व्यवहारांसाठी सुरक्षित आहेत हे सुनिश्चित करण्यासाठी एस्क्रोमध्ये सोर्स कोड ठेवावा लागेल. सर्व संस्थांचे पालन सुनिश्चित करण्यासाठी RBI ने 6 महिन्यांचा अवधी दिला आहे.
हे मास्टर डायरेक्शन इंटरनेट बँकिंग, मोबाइल पेमेंट्स, कार्ड पेमेंट्स, ग्राहक संरक्षण आणि ग्रीव्हस रिड्रेसल मॅकेनिझम यासाठी मार्गदर्शक सूचना देते. पहिल्यांदाच, RBI ने डिजिटल पेमेंटच्या ऑपरेशनल पार्टमध्ये हस्तक्षेप केला आहे, तर यापूर्वी आरबीआय नियम ठरवण्याची जबाबदारी एनपीसीआयवर सोडत असे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.