साताऱ्यात आज दिवसभरात ४ नवे कोरोनाग्रस्त; एकूण संख्या १२८ वर

सातारा प्रतिनिधी । सकलेन मुलाणी

सातारा जिल्ह्यात आज दिवसभरात एकूण चार नवीन कोरोना बाधित रुग्ण सापडले आहेत. सकाळी सातारा जिल्हा कारागृहातील एक कैदी कोरोना बाधित सापडल्यानंतर आता जिल्ह्यातील अन्य तिघांचा कोरोना अहवाल प्राप्त झाला असून तो पॉझिटिव्ह असल्याची माहिती जिल्हा शल्यचिकित्सक डाॅ.अमोद गडीकर यांनी दिली आहे.

सातारा येथील विलगीकरण कक्षात दाखल असलेले दोन निकट सहवासीत आणि ११ तारखेला मुंबई वरून प्रवास करून आलेला कोरोना केअर सेंटर मध्ये ठेवलेला कोरेगाव तालुक्यातील युवक कोरोना बाधित निघाला आहे. आज साताऱ्यातील तीन जणांना कोरोनाची लागण झाल्याचे समोर आले आहे. यात साताऱा शहरातील दोघांचे तर कोरेगाव येथील मुंबईहून आलेल्या युवकाचा अहवाल पॉझिटीव्ह आला आहे.

दरम्यान, सातारा जिल्ह्यातील एकूण कोरोनाबाधितांची संख्या आता १२८ वर गेली असून आज कराड येथील एकूण १५ कोरोना रुग्णांना दवाखान्यातून डिस्चार्ज देण्यात आला आहे. आत्तापर्यंत कोरोना मुक्त होवून घरी गेलेल्यांची संख्या ६० आहे. तर कोरोना बाधित मृत्यु झालेले 2 रुग्ण आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.