शेअर बाजारात झाली मोठी घसरण, अवघ्या काही मिनिटांतच गुंतवणूकदारांचे बुडाले चार लाख कोटी रुपये

हॅलो महाराष्ट्र ऑनलाईन । अमेरिका आणि युरोपियन बाजारात तेजीने विक्री झाल्यामुळे देशांतर्गत शेअर बाजारात मोठी घसरण झाली. बीएसईचा 30 शेअर्सचा  प्रमुख इंडेक्स सेंसेक्स (Sensex) 1,114  ने खाली घसरून 36,5533 वर बंद झाला. त्याचबरोबर NSE चा 50 शेअर्सचा प्रमुख इंडेक्स निफ्टी (Nifty) 307 अंकांच्या घसरणीनंतरही 10,824 च्या पातळीवर बंद झाला. या घसरणीमुळे गुंतवणूकदारांचे 4 लाख कोटी रुपये बुडल्याचे तज्ज्ञांचे म्हणणे आहे. मात्र, गुंतवणूकदारांनी या घसरणीमुळे घाबरू नये. तसेच नवीन गुंतवणूक टाळण्याचा देखील सल्ला यावेळी दिला.

शेअर बाजार का घसरला – एस्कॉर्ट सिक्युरिटीचे संशोधन प्रमुख आसिफ इक्बाल यांनी एका वाहिनीशी बोलताना सांगितले की, ग्लोबल मार्केट FinCEN च्या खुलाशानंतर चिंताग्रस्त आहे. तसेच जागतिक वाढीच्या चिंतेमुळे बाजारातील तणाव वाढत आहे. म्हणूनच शेअर बाजार घसरला आहे.

बुधवारी अमेरिकन शेअर बाजारामध्ये मोठी विक्री झाली. अमेरिकेचा बेंचमार्क इंडेक्स डाओ जोन्स 1.92 टक्क्यांनी घसरला. त्याच वेळी, एस अँड पी 500 निर्देशांक 2.37 टक्क्यांनी घसरला.

परदेशी गुंतवणूकदारांनी भारतीय शेअर बाजारात मोठ्या प्रमाणात विक्री केली. गेल्या सत्रात त्यांनी कॅश मार्केटमध्ये 3,912.44 कोटी रुपयांचे शेअर्स विकले. त्याच वेळी देशांतर्गत संस्थात्मक गुंतवणूकदारांनी या कालावधीत 1,629.23 कोटी रुपयांचे शेअर्स खरेदी केले.

7-आठवड्यांच्या नीचांकावरील शेअर बाजार – आज बाजार उघडताच मोठ्या प्रमाणात घसरण दिसून आली. 4 ऑगस्टनंतर निफ्टी 11,000 च्या खाली गेला आहे. तर बाजार हा गेल्या 7 आठवड्यांच्या नीचांकी पातळीवर दिसतो आहे. निफ्टीच्या 50 पैकी 48 स्टॉक खाली आले आहेत.

बँकिंगच्या खुलाश्यानंतर काय घडले ?- FinCEN खुलाश्यामध्ये छुपे आर्थिक व्यवहार आणि बँकिंगची रहस्ये उघडकीस आली आहेत. यूएस नियामक FinCEN ने संशयास्पद गतिविधि रिपोर्ट (SAR) नावाचा एक गुप्त दस्तऐवज तयार करतो. यात 1999 ते 2017 दरम्यान 2,121 झालेल्या संशयास्पद व्यवहारांचा उल्लेख आहे.

याद्वारे 2.099 ट्रिलियन डॉलर्स किंमतीचे संशयास्पद व्यवहार झाले. वास्तविक जेव्हा एखाद्या बँकेला व्यवहाराचा संशय असतो. म्हणून ते FinCEN कडे तक्रार करतात. सहापेक्षा जास्त बँकांनी अशा प्रकारच्या व्यवहाराबाबत शंका उपस्थित करून तक्रार दिली होती. ही तक्रार अत्यंत गोपनीय ठेवली जाते. याबाबत खातेदारांनाही माहिती दिली जात नाही.

त्यानंतर FinCEN ने भारतीय एजन्सींना ही माहिती दिली, त्यानंतर अनेक प्रकरणांची चौकशी सुरू झाली. ज्या संस्थांचे व्यवहार संशयास्पद असल्याचे आढळले ते 2 G  स्पेक्ट्रम घोटाळा, ऑगस्टा वेस्टलँड घोटाळा, रोल्स रॉयस लाच प्रकरण, एअरसेल मॅक्सिस प्रकरणाशी संबंधित आहेत.

या संशयास्पद व्यवहारांमध्ये तुरूंगातील तस्कर, हिरे कंपनीचा मालक, घोटाळ्यातील गुंतवणूकीचे हेल्थकेअर ग्रुप, दिवाळखोर स्टील फर्म, लक्झरी कार डीलर्स, आयपीएलचे प्रायोजक, एक कथित हवाला डीलर ज्याच्यामुळे ईडीमध्ये परस्पर फुट पडली, डॉनचा प्रमुख फायनान्सर यांचा समावेश आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

You might also like