मुंबई । भारतीय शेअर बाजारामध्ये (Stock Markets) आज संमिश्र ट्रेंड पाहायला मिळाला. 12 जुलै 2021 रोजी मुंबई शेअर बाजाराचा (BSE) Sensex आज 52,372.69 वर बंद झाला, तो 13.50 अंकांनी किंवा 0.03 टक्क्यांनी कमी झाला. त्याचबरोबर नॅशनल स्टॉक एक्स्चेंजचा (NSE) निफ्टी आज 2.80 अंकांच्या म्हणजेच 0.02 टक्क्यांच्या वाढीसह 15,692.60 वर बंद झाला. आज बॅंकिंग आणि ऑटो शेअर्समध्ये वाढ नोंदली गेली, तर IT कंपन्यांचे शेअर्स घसरत चालले आहेत.
निफ्टी बँकेचे 127 अंक वधारले आणि आयटी खाली घसरले
निफ्टी बँकेने आज वाढ नोंदविली आणि 126.95 अंकांच्या वाढीसह 35198.90 वर बंद झाला. त्याचबरोबर निफ्टी आयटी 129.90 अंकांनी घसरून 28532.30 वर पोहोचला. निफ्टी ऑटोने 0.17 टक्के किंवा अवघ्या 17.90 अंकांची वाढ नोंदवली आणि 10438.20 च्या पातळीवर बंद झाला. बीएसई स्मॉलकॅप आज 0.75 टक्क्यांनी किंवा 193.73 अंकांच्या वाढीसह 26,068.13 वर बंद झाला तर बीएसई मिडकॅप 0.40 टक्क्यांनी वाढून 22,904.63 अंकांवर बंद झाला.
या कंपन्यांच्या शेअर्समध्ये सर्वात मोठी घसरण
आज बीएसई सेन्सेक्समध्ये अदानी पोर्टचा स्टॉक टॉप लूजर होता. कंपनीच्या शेअरमध्ये 1.43 टक्के घसरण नोंदली गेली. याशिवाय BPCL 1.29 टक्के, भारती एअरटेल 1.23 टक्के, टाटा स्टील 1.00 टक्के आणि एचडीएफसी बँक 1.00 टक्के खाली आला.
या स्टॉक मध्ये सर्वाधिक वाढ झाली
बीएसई सेन्सेक्समध्ये आज अल्ट्राटेक सिमेंटचा स्टॉक टॉप गेनर झाला. कंपनीच्या स्टॉक मध्ये 2.81 टक्के वाढ झाली. याशिवाय ग्रासिमच्या स्टॉक मध्ये 2.40 टक्के, श्री सिमेंटस्‍टॉक मध्ये 1.94 टक्के, जेएसडब्ल्यू स्टीलमध्ये 1.89 टक्के आणि एसबीआय लाइफ इन्शुरन्समध्ये 1.36 टक्के वाढ झाली आहे. आशियाई बाजारपेठेत भारताव्यतिरिक्त शांघायचा शेअर बाजार उच्च पातळीवर बंद झाला. त्याच वेळी, हाँगकाँगचा हेंग सेंग आणि टोकियोचा शेअर बाजार ग्रीन मार्कवर बंद झाला. याखेरीज युरोपियन बाजारात आज घसरण दिसून आली.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा