हॅलो महाराष्ट्र ऑनलाइन | भाजप प्रदेशाध्यक्ष चंद्रकांत पाटील यांनी काही दिवसांपूर्वी मुख्यमंत्री उद्धव ठाकरे यांच्यावर पाठीत खंजीर खुपसण्याचा आरोप केला होता. त्यावर शिवसेना खासदार संजय राऊत यांनी प्रत्युत्तर देत आम्ही समोरून कोथळा काढतो पाठीमागून नाही अस म्हंटल आहे.
संजय राऊत सध्या पुण्यात आहेत. यावेळी त्यांनी चंद्रकांत पाटलांच्या आरोपाचा समाचार घेतला. राऊत म्हणाले, “आम्ही समोरुन कोथळा काढतो, पाठीमागून नाही… पाठीमागून वार करण्याची आमची परंपरा नाही.. शब्द तुम्ही फिरवला आम्ही नाही”, असं प्रत्युत्तर राऊतांनी चंद्रकांतदादांना दिलं.
चंद्रकांत पाटील नेमकं काय म्हणाले होते-
पाठीत खंजीर खुपसणारा चेहरा असे म्हटले की पूर्वी महाराष्ट्रात एकच चेहरा समोर यायचा, आता मात्र दुसरा चेहराही समोर येतो, तो कोणाचा?, उद्धव ठाकरेंचा अशा शब्दांत पाटील यांनी मुख्यमंत्र्यांवर घणाघाची हल्लाबोल केला. तसेच पहिला चेहरा कोणाचा अस म्हणताच उपस्थितानी शरद पवार यांचे नाव घेतलं.