हॅलो महाराष्ट्र ऑनलाइन | मी काही उद्धव ठाकरेंसारखा डॉक्टर नाही आणि संजय राऊतांसारखा कंपाउंडर नाही अशी टीका भाजप प्रदेशाध्यक्ष चंद्रकांत पाटील यांनी केल्यानंतर संजय राऊतांनी पुन्हा एकदा पाटलांवर पलटवार केला आहे. चंद्रकांतदादांनी आपलं मानसिक स्वास्थ्य नीट करावं असा टोला संजय राऊत यांनी लगावला.
भाजपचे सरकार येत नाही , त्यामुळे चंद्रकांत दादांचे वैफल्य आम्ही समजू शकतो. सरकार पडत नाही आणि ते पडणारही नाही अस म्हणत चंद्रकांतदादांनी आपलं मानसिक स्वास्थ्य नीट करावं असा टोला राऊतांनी चंद्रकांत पाटील यांना लगावला.
दरम्यान, राज्यपालांवर मी कोणतीही टीका केली नाही. राज्यपाल हे आमच्यासाठी आदरणीय आहेत. तरीही चंद्रकांत पाटलांच्या हातात असेल तर त्यांनी मला अटक करून दाखवावी असे आव्हान राऊतांनी दिल. तसेच आमच्या दंडाशी बरोबरी करू नका. आमच्याकडे दंड आणि दांडा दोन्हीही असत असा इशारा देखील राऊतांनी दिला.