हॅलो महाराष्ट्र ऑनलाइन | वेळ आली तर आम्ही शिवसेना भवन देखील फोडू अस वादग्रस्त वक्तव्य करणाऱ्या भाजप आमदार प्रसाद लाड यांना आता शिवसेनकडून जोरदार प्रत्युत्तर देण्यात येत आहे. शिवसेनेचे राजापूरचे आमदार राजन साळवी यांनी कडक शब्दात प्रसाद लाड यांचा समाचार घेतला आहे. तू आमदारकीचा राजीनामा दे आणि निवडणूक लढ, शिवसैनिक तुझं थोबाड फोडतील अस प्रत्युत्तर राजन साळवी यांनी दिले.
आधी आमदारकीचा राजीनामा दे कारण शिवसेनेच्या मतांवरच तू आमदार झालाय. जर हिम्मत असेल तर पुन्हा निवडणुकीला समोर जा मग बघ शिवसैनिक तुझं कसं थोबाड फोडतील आणि तुला गाडतील अशा शब्दात आमदार राजन साळवी यांनी प्रसाद लाड यांच्यावर हल्लाबोल केलाय.
शिवसेना भवन फोडण्याची भाषा करणाऱ्यांचे थोबाड फोडू,’ असं साळवी यांनी म्हटलं आहे. ‘शिवसेना भवन’ला हात लावणं म्हणजे देवेंद्र फडणवीसांचे पाय चेपण्याइतकं सोप्पं आहे असं काही भाजपच्या कार्यकर्त्यांना वाटत आहे,’ अशी बोचरी टीकाही साळवी यांनी केली आहे.
प्रसाद लाड यांची कोलांटीउडी-
दरम्यान शिवसेना भवन फोडू अस मी म्हणलंच नाही. माझ्या विधानाचा विपर्यास केला गेला अस म्हणत प्रसाद लाड यांनी पलटी मारली. शिवसेनाप्रमुखांवर आम्ही प्रेम करतो. कुठल्याही पक्षात असलो तरी शिवसेनाप्रमुखांबद्दल आम्ही आदर ठेवतो. त्या शिवसेना प्रमुखांच्या शिवसेना भवन बद्दल असं माझ्याकडून तरी कुठलही चुकीचं वक्तव्य केलं जाणार नाही असे स्पष्टीकरण प्रसाद लाड यांनी दिले.